Portugaliyaning Porto klubi Arsenal himoyachisi Yakub Kiviorni to‘liq transfer huquqi asosida o‘z safiga qo‘shib oldi. Polshalik futbolchi o‘tgan mavsumni ijara asosida Portugaliyada o‘tkazib, jamoaning chempionlikka erishishida muhim rol o‘ynadi. Bu haqda Goal.com xabar beradi.
Rasmiy ma’lumotlarga ko‘ra, Porto ushbu transfer uchun 17 million yevro to‘laydi. Shuningdek, kelishuvda natijalarga bog‘liq holda qo‘shimcha 5 million yevro bonuslar ham ko‘zda tutilgan. Umumiy qiymat 19 million funt sterlinggacha yetishi mumkin.
26 yoshli himoyachi yangi klubi bilan 2030-yilning iyuniga qadar mo‘ljallangan uzoq muddatli shartnoma imzoladi. Shartnomada futbolchining tovon puli 70 million yevro etib belgilangan.
Arsenal klubi kelajakda futbolchi boshqa jamoaga sotilgan taqdirda, 2 million yevro miqdorida foiz olish huquqini saqlab qoldi. Yakub Kivior o‘tgan mavsumda barcha musobaqalarda 38 ta o‘yinda maydonga tushib, himoya chizig‘ining ishonchli vakiliga aylandi.
Endilikda Kivior bor e’tiborini Porto safida Chempionlar ligasi o‘yinlariga va yangi mavsumdagi ichki chempionat bahslariga qaratadi.
“Zamin”ni Telegramʻda oʻqing!
