Germaniyalik himoyachi Niklas Süle professional futbolchilik faoliyatini yakunlayotganini ma'lum qildi. Borussiya Borussiya Dortmund bilan shartnomasi mavsum yakunida tugaydigan futbolchi "Spielmacher" podkastida o'zining 13 yillik faoliyati, jamoalardagi o'rni va o'ziga xos xarakteri haqida ochiq gapirdi. Bu haqda Goal.com xabar beradi.
Süle o'zini hech qachon boshqalarga o'xshatishga urinmaganini ta'kidladi. U Borussiya Dortmundda sardorlik bog'ichini taqib yurgan bo'lsa-da, maydonda baqirib-chaqiradigan sardor emasligini, Bavariya safida esa bu vazifani boshqalar bajargani uchun o'zini qulay his qilganini aytdi. Futbolchi o'z prinsiplariga sodiq qolganidan faxrlanishini bildirdi.
Intervyu yakunida kutilmagan holat yuz berdi: Niklas Süle suhbatni to'xtatib, yon xonadan McDonald's paketini olib keldi. U och qolganini aytib, jurnalist Sebastian Hellmann bilan birga gamburger yeyishni boshladi. Bu holat suhbatdoshlarni kulgiga chorladi.
Süle faoliyati davomida vazn bilan bog'liq muammolarga duch kelganini ham yashirmadi. Bavariya safida o'ynagan davrida u vazn o'lchashdan oldin ortiqcha kilogrammdan qutulish uchun saunada yomg'irpo'shda o'tirib ter to'kkanini tan oldi. U sportdagi muvaffaqiyatlaridan ko'ra, insoniylik sifatlarini saqlab qolganini ustun qo'yishini ta'kidladi.
“Zamin”ni Telegramʻda oʻqing!
