Manchester Yunayted afsonasi Rio Ferdinand Chempionlar ligasi finali oldidan dadil bashorat bilan chiqdi. Uning fikricha, garchi PSJ texnik jihatdan ustunroq jamoa bo‘lsa-da, Mikel Arteta shogirdlari yakunda g‘olib chiqishadi. Bu haqda Goal.com xabar beradi.
Ferdinand o‘zining YouTube kanalida Arsenal nafaqat Angliya Premer-ligasi, balki Yevropa chempionligini ham qo‘lga kiritishiga ishonch bildirdi. U Luis Enrike boshchiligidagi Parij klubini ayni damda dunyodagi eng chiroyli o‘yin ko‘rsatayotgan jamoa deb atadi.
Biroq, sobiq himoyachi Arsenalning g‘alabasini standart vaziyatlar bilan bog‘ladi. Uning so‘zlariga ko‘ra, PSJ himoyasi burchak zarbalari va jarima to‘plarida juda zaif, Arsenal esa bu borada Premer-liganing eng yaxshi jamoasi hisoblanadi.
"PSJ jismonan Arsenal bilan raqobatlasha olmaydi. Agar londonliklar jarima maydoni yaqinida standart vaziyatlarga ega bo‘lsa, bu parijliklar uchun katta muammoga aylanadi", — deya qo‘shimcha qildi Ferdinand.
“Zamin”ni Telegramʻda oʻqing!
