Bavariya himoyachisi Alphonso Davies navbatdagi jiddiy jarohatini olib, mavsumning qolgan qismini o‘tkazib yuboradigan bo‘ldi. Chempionlar ligasi yarim finalida PSJga qarshi kechgan bahsda chap son mushagini jarohatlab olgan kanadalik futbolchining yozgi Jahon chempionatida ishtirok etishi ham so‘roq ostida qolmoqda. Bu haqda Goal.com xabar beradi.
Klub sport direktori Christoph Freund vaziyatni juda achinarli deb atadi. Uning so‘zlariga ko‘ra, Davies tizzasidagi og‘ir jarohatdan so‘ng o‘z o‘yinini topib olishga qiynalayotgan edi, mushaklardagi ketma-ket muammolar esa futbolchining ruhiy holatiga ham salbiy ta’sir ko‘rsatmoqda.
Futbolchining tibbiy tarixi ancha murakkab: 2025-yil mart oyida tizzasidagi xochsimon bog‘lamlar uzilganidan so‘ng u to‘qqiz oy maydondan chetda qolgan edi. Dekabrda qaytganiga qaramay, fevral va mart oylarida ham mushak jarohatlari uni tinch qo‘ymadi. Bu holat Daviesning ruhiy tushkunlikka tushib qolishidan xavotirlarni kuchaytirmoqda.
Bosh murabbiy Vincent Kompany himoyachining jismoniy tiklanishiga shubha qilmasa-da, uning ruhiy holati borasida jiddiy xavotirda ekanligini yashirmadi. Davies avvalroq uzoq muddatli reabilitatsiya davrida ruhiy tushkunlikka tushganini va qiyin damlarni boshdan kechirganini ochiq tan olgan edi.
Joriy mavsumda Bavariya safida 23 ta o‘yinda maydonga tushgan Alphonso Davies 1 ta gol urib, 5 ta golli uzatmani amalga oshirdi. Klub rahbariyati futbolchini qo‘llab-quvvatlash uchun barcha choralarni ko‘rishini ma’lum qildi.
“Zamin”ni Telegramʻda oʻqing!
