Angliya futbolining ikkinchi divizioniga yo‘l olgan Wrexham klubi yozgi transferlar oynasi oldidan tarkibdagi o‘zgarishlarni rasman e’lon qildi. Jamoa bosh murabbiyi Phil Parkinson tarkibni qayta shakllantirish maqsadida bir qator tajribali futbolchilar bilan xayrlashishga qaror qildi. Bu haqda Goal.com xabar beradi.
Klubni tark etayotganlar ro‘yxatida eng ko‘zga ko‘ringan futbolchi bu faxriy hujumchi Jay Rodriguez bo‘ldi. Bir vaqtlar Angliya terma jamoasi safida Wayne Rooney bilan birga to‘p surgan Rodriguez 15 oylik faoliyatidan so‘ng jamoani tark etmoqda. Shuningdek, yarim himoyachi Andy Cannon ham jarohatlar sababli mavsumni to‘liq o‘tkaza olmagach, klub bilan xayrlashdi.
Wrexham rahbariyati o‘z bayonotida ushbu futbolchilarga jamoa muvaffaqiyatiga qo‘shgan hissasi uchun minnatdorchilik bildirdi. Rodriguez va Cannon endilikda erkin agent sifatida o‘zlariga yangi jamoa izlashni boshlaydilar.
Klub yosh iqtidorlar Aaron James, Alex Moore va Rio Owen bilan shartnomalarni uzaytirgan bo‘lsa-da, asosiy tarkibni kuchaytirish uchun yozgi transferlar davrida faol harakat qilishni rejalashtirmoqda. Jamoa kelasi mavsumda yanada yuqori natijalarni qayd etishni maqsad qilgan.
“Zamin”ni Telegramʻda oʻqing!
