Myunxenning Bavariya jamoasi darvozaboni Manuel Neuer chap boldiridagi mushak jarohati tufayli VfB Stuttgartga qarshi boʻlib oʻtadigan Germaniya kubogi finalida ishtirok eta olmaydi. Klub juma kuni ertalab Neuer jamoani qoʻllab-quvvatlash uchun Berlinga borishini, biroq maydonga tushishga tayyor emasligini tasdiqladi. Bu haqda Goal.com xabar beradi.
Sky nashri xabariga koʻra, darvozabonning tiklanish jarayoni yaxshi ketmoqda, biroq kichik xavf hali ham mavjud. 40 yoshli posbon oldinda turgan Jahon chempionatini va Germaniya terma jamoasidagi asosiy oʻrnini hisobga olib, tavakkal qilmaslikka qaror qildi. Uning oʻrnini finalda yana Jonas Urbig egallaydi.
22 yoshli zaxira darvozaboni uchun bu joriy mavsumdagi 20-oʻyin va faoliyatidagi eng muhim bahs boʻladi. Manuel Neuer joriy mavsumda mushak tolalari uzilishi sababli dekabr, fevral va mart oylarida ham safdan chiqqan edi. Bundesliga soʻnggi turida 1. FC Köln ustidan qozonilgan 5:1 hisobidagi gʻalaba vaqtida u ehtiyot chorasi sifatida almashtirilgan edi.
Eʼtiborlisi, jarohatiga qaramay, Manuel Neuer oʻtgan yakshanba kuni Bavariya bilan shartnomasini 2027-yilgacha uzaytirdi. Shuningdek, payshanba kuni murabbiy Nagelsmann uni Shimoliy Amerikada boʻlib oʻtadigan Jahon chempionati uchun Germaniya terma jamoasining kengaytirilgan tarkibiga kiritdi.
“Zamin”ni Telegramʻda oʻqing!
