Ravshan Haydarov murabbiylik qilayotgan O‘zbekiston U23 termasi o‘z tarixida ilk bor Osiyo chempionligini qo‘lga kiritdi.
Xitoy mezbonligida o‘tgan Osiyo Chempionatining finalida o‘zbekistonlik futbolchilar Vetnamga qarshi maydonga tushdi va 119-daqiqada urilgan gol evaziga zafar quchdi.
Final ishtirokchilari qor bilan qoplangan stadionga chiqib keldi. Bellashuvning 8-daqiqasida o‘zbekistonlik futbolchilar burchak zarbasidan keyin oldinga chiqib oldi. Vetnamlik himoyachilar Rustam Ashurmatovni qo‘riqlay olmadi va «Bunyodkor» himoyachisi boshi bilan aniq zarba yo‘lladi.
Bo‘lim yakuniga 4 daqiqa vaqt qolganida esa muvozanat tiklandi. Vetnam terma jamoasi a’zolari jarima zarbasidan qoyilmaqom tarzda foydalanib, hisobni tenglashtirishga erishdi.
Tanaffus ham bitta bo‘lim bilan teng vaqt davom etdi. Uning davomida maydon qordan ancha tozalab olindi. Shuningdek, oq formada to‘p surayotgan va bu bilan teletranslyatsiyalar sifatiga ham ta’sir ko‘rsatayotgan o‘zbekistonlik futbolchilar ikkinchi bo‘limda maydonga ko‘k rangli libosda chiqib kelishdi.
Ikkinchi 45 daqiqalikda garchi qor ancha tozalab qo‘yilgan bo‘lsa-da, gol urishning iloji bo‘lmadi. Shu tariqa hakamlar 15 daqiqadan ikkita qo‘shimcha taym belgilashga majbur bo‘ldi.
117-daqiqaga kelib Ravshan Haydarov baland bo‘yli hujumchi Andrey Sidirovni maydonga tushirdi. Aynan u 119-daqiqada burchakdan yetkazib berilgan to‘pni boshi bilan urib, darvozaga joylab qo‘ydi va jamoasiga chempionlik taqdim etdi.
Osiyo Chempionati U23
Final
27 yanvar, shanba
O‘zbekiston — Vetnam 2:1
Gollar: Rustam Ashurmatov, 8 (1:0). Nguyen Xai, 41 (1:1). Andrey Sidirov, 119 (2:1).
O‘zbekiston: Botirali Ergashev — Rustam Ashurmatov, Akrom Komilov, Abbos Otaxonov (Bobur Abduxoliqov, 103), Aziz G‘aniyev, Odil Hamrobekov, Jasur Yaxshiboyev (Doniyor Narzullayev, 46), Zabihillo O‘rinboyev, Javohir Siddiqov (Andrey Sidirov, 117), Doston Hamdamov, Doston Tursunov. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ayrim boshqaruv servis kompaniyalari shartnomalarida asossiz shartlar belgilangani aniqlandi
Kreml Ukraina bo‘yicha muzokarada shartlar qo‘yishga urinmoqda
NATO bosh kotibi Ukrainaning frontdagi ahvoli yomonlashganini tan oldi
Blinken Isroildan uchta muammoni hal etishni talab qildi
Shols va Putin o‘rtasidagi suhbat Kiyevga signal bo‘ldi
Rossiya armiyasi Kupyanskka kirgani aytilmoqda
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
