“Liveopul” ajoyib sport formasi bilan “Bornmut”ni yengdi, undan sal avvalroq esa Yevropa chempionlar ligasining asosiy favoritlaridan biri Gvardiolaning “Manchester Siti”sini mag‘lub etdi. Yurgen Kloppda imkonsiz narsaning o‘zi yo‘qligiga ishonadigan jamoa shaklanganligi ma’lum bo‘ldi. Bu haqida Goal nashri mulohazalari bilan o‘rtoqlashdi.
Yurgen Klopp ayni vaqtda eng quvonchli lahzalarni boshidan kechirmoqda. Uning shogirdlari o‘tgan hafta boshida YeChL yarim final yo‘llanmasini rasman naqd qilishdi, qur’ada esa unga “Roma” raqiblik qiladigan bo‘ldi.
“Bornmut” ustidan shanba oqshomida qozonilgan (3:0) g‘alabada o‘yinni maydondan bevosita klub raisi Tom Verner va Fenway Sports Group prezidenti Mayk Gordon kuzatishdi. Amerikaliklar bir haftadan beri shaharda qo‘nim topishgan va klublari, boshqaruvchilari, uning o‘sishini kuzatishgan. O‘zlari ham bundan zavq olishgani aniq. Yuzlarida tabassum bilan Bostonga qaytishgan bo‘lsa, ajabmas.
Fenway Sports Group “Enfild”da to‘g‘ri siyosat olib borayotganini hamma rad qilardi. Ayniqsa ular ko‘zoynakli nemis, beysbol “kepkasi” va kuchli shaxsiyat egasini klubga taklif qilib adashmaganini anglashdi. Gordonning Kloppga bo‘lgan “mehri” barchasi klubning ishlari o‘nglanishiga olib keldi.
“Liverpul” ichki chempionatda natijalarini yaxshilab bormoqda va endi mana Yevropa birinchiligida raqobat qilishga kirishgan. Klopp shogirdlari har qanday raqibga xavf tug‘dirishmoqda. Sekin-astalik bilan uning yaratuvchanligi ko‘z oldimizda ajoyib asar yaratilayotganini namoyish qilmoqda.
Mubolag‘ami? Bo‘rttirish deyayotgandirsiz balki? Afsuski, bu haqiqat. Angliyaning birorta jamoasi ayni vaqtda “Liverpul”day o‘yin ko‘rsatmayapti yoki o‘ziga bo‘lgan ishonch, erkinlikni his qilmayapti. Hech biri Klopp shogirdlariday tartibli o‘ynay olmayapti. Hech kim ularga qarshi o‘ynashni istamayapti. Ishonmasangiz buni “Manchester Siti”dan so‘rang.
G‘alaba kutilmagan to‘qnashuvdan keyin kelmoqda, “Liverpul” kuchli to‘rtlikka kirib o‘zining asosiy maqsadiga erishgan edi, ammo bundan ham yaxshirog‘i tez orada kelishi ham mumkin.
Klopp bu mavsumda Chempionlar Ligasini yutib olishi mumkin, yoki bunga erisha olmasligi ham. Biroq nima bo‘lganda ham germaniyalik mutaxassis “Liverpul”da ko‘p ishlarni amalga oshirmoqda. U muxlislar faxrlanadigan, zavqlanadigan va ishonadigan jamoa shakllantirmoqda. Buni aslo bo‘rttirish deya ko‘rmang. U Muhammad Salohni Yevropaning eng yaxshi to‘puraridan biriga aylantirdi, Firminoni esa eng mukammal “to‘qqizlik”ka. Unda terisiga sig‘may o‘ynayotgan Oksleyd-Chemberlen va Deyan Lovren bor, shuningdek, Trent Aleksandr-Arnold ham.
Kloppning jamoalari himoyalana olmaydi, deyishadi. Ular so‘nggi 12 uchrashuvning sakkiztasini quruq o‘tkazishdi. Klopp 20 ta hujumchiga muhtoj, deyishadi. Bu mavsum yakuniga ko‘ra unda uchta shunday hujumchi bor. Saloh, Firmino va Sadio Mane birgalikda 83 gol urdi. “Liverpul” germaniyalik mutaxassis qo‘li ostida 148 uchrashuvda 300 bora raqib darvozasini aniq nishonga olgan.
Buni davom ettirish mumkinmi? Nega bo‘lmasin! Jarohatlar epidemiyasi bunga ta’sir ko‘rsatishi mumkin, ammo klub ayni vaqtda eng muhim sifat – o‘ziga bo‘lgan ishonchga ega. “Biz Yevropani zabt etdik, biz hech qachon to‘xtamaymiz!”
Manba: Sports.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Joze Mourino Yevro—2024 favoritlarini sanab o‘tdi
Hokimlik xodimi firibgarlik ortidan qo‘lga tushdi
Messining kelishi "Inter Mayami" budjetiga qanday ta’sir qildi?
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Germaniyada Rheinmetall qurol kompaniyasi rahbarining dachasi yoqib yuborildi
Daniyada endi ayollar ham majburiy harbiy xizmatni o‘taydi
Pentagon Ukraina yuzasidan kutilmagan muammoga duch keldi
