Boks. Bektemir rossiyalik bokschini nokaut qildi

Rossiyaning Sankt-Peterburg shahrida boks bo‘yicha «Gubernator kubogi» bo‘lib o‘tmoqda. Bugun bir qator bokschilarimiz o‘z janglarini o‘tkazmoqdalar, deb xabar berdi «Olamsport».

-81 kg vazn toifasida yurtimiz sharafini himoya qilayotgan Bektemir Meliqo‘ziyev chorak finalda rossiyalik Nikita Zonga qarshi ringga chiqdi. Hamyurtimiz jangning ikkinchi raundida raqibini nokautga uchratdi va yarim finalga yo‘l oldi.

Endi u navbatdagi jangini boshqa bir mezbon bokschiga qarshi o‘tkazadi.