Bobur Abduholiqov oktyabr oyining eng yaxshi futbolchisi bo‘ldi

O‘zbekiston Professional futbol ligasi mavsum boshidan buyon oyning eng yaxshilarini aniqlash uchun o‘tkazib kelayotgan so‘rovnomasini davom ettiradi.

Ortda qolgan oktyabr oyida PEPSI Superligada 25-28-tur uchrashuvlari, shuningdek, O‘zbekiston kubogi-2018 final o‘yini o‘tkazildi. Mazkur uchrashuvlar davomida bir qator futbolchilar ajoyib o‘yin namoyish etib, muxlis-u mutaxassislar olqishlariga sazovor bo‘ldi. Qolaversa, jamoalariga muhim ochkolarni qo‘lga kiritishda ko‘mak berishdi.

So‘rovnoma yakunlariga ko‘ra, oktyabr oyida 3 ta o‘yinda maydonga tushib, 5 marta raqiblari darvozasini ishg‘ol etgan “Nasaf” hujumchisi – Bobur Abduholiqov eng ko‘p ovoz to‘pladi vaoktyabr oyining eng yaxshi futbolchisi deya e’tirof etildi. Abduholiqov bu borada Marat Bikmayev, Yovan Jokich va Farruh Sayfiyevlarni ortda qoldirdi.

Manba: www.pfl.uz “Zamin”ni Telegramʻda oʻqing!