Osiyo Kubogini Ummonga qarshi qiyin kechgan uchrashuvdagi gʻalaba (2:1) bilan boshlagan Oʻzbekiston terma jamoasi bosh murabbiyi Ektor Kuper oʻyindan keyingi matbuot anjumanining ikkinchi qismida jurnalistlar savollariga javob qaytardi.
“Ummon bilan oʻyinning qiyin oʻtishini kutgandik. Toʻpga egalik qilish jihatdan kuchli jamoa ekanini koʻrsatdi. Biz ikkita ikki xil boʻlimlarga guvoh boʻldik. Ikkinchi taymda, afsuski, Ummon oʻyinni koʻproq nazorat qilishiga qoʻyib berdik. Shunga qaramay, har ikkala jamoa ham yetarlicha vaziyatlarga ega boʻldi”, – dedi Ektor Kuper anjumanning kirish qismida.
– Jamoa ikkinchi boʻlimda sizning koʻrsatmangiz bilan himoyaviy futbol koʻrsata boshladimi?
– Ikkinchi boʻlimda himoyaviy oʻyin koʻrsatish borasida koʻrsatma berganim yoʻq. Tanaffusda futbolchilarga koʻproq toʻpga egalik qilishni aytgandim, ammo afsuski Ummon juda yaxshi pressing qoʻllay oldi. Himoyaviy futbol koʻrsatish boʻyicha topshiriq bermadim.
– Musobaqa endigina boshlandi, ammo futbolchilarda hozirdanoq charchoq alomatlari koʻzga tashlana boshlagandek koʻrinmoqda.
– Futbolchilar tetik, charchashgani yoʻq. Ikkinchi boʻlimdagi oʻyinning bunday kechishi sababli ular biroz asabiy toʻp surishgani uchun ham shunday koʻrinishdi.
– Hisob 1:1 koʻrinishiga kelganda gʻalaba qozona olishingizga qanchalik ishonayotgan edingiz?
– Durang hisob boʻlayotganda ham gʻalaba qozonishimizga ishonchim bor edi. Bunday qiyin oʻyinda gʻalabaga erisha olganimizdan xursandmiz.
– Pozitsion hujumlar juda kam; birinchi gol standart vaziyatdan, ikkinchisi esa zahiradan tushgan Shomurodovning individual mahorati evaziga urildi. Asosiy tarkibda oʻynagan Bikmayev va Siddiqovning oʻyini haqida nima deya olasiz?
– Men muayyan oʻyinchilarning yakka oʻzini olgan holda muhokama qilmayman. Futbolchilarning oʻzlari bilan gaplashib olishimiz kerak boʻlgan mavzular yetarlicha. Gap faqat bir yoki ikki oʻyinchida emas.
Oʻzbekiston terma jamoasi keyingi uchrashuvini Dubay shahrida Turkmaniston termasiga qarshi oʻtkazadi. Uchrashuv 13 yanvar, yakshanba kuni Toshkent vaqti bilan soat 21:00 da boshlanadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
Velosipedda sayr qilish uchun 3 sabab: yoshartiradi, ozdiradi va umrni uzaytiradi
