3 429
“Liverpul” safarda “Bavariya”ni 3:1 hisobida magʻlub etib chorak finalga yoʻl oldi (video)
Yevropa Chempionlar ligasining 1/8 final javob bahsidan oʻrin olgan “Bavariya” – “Liverpul” uchrashuvi oʻz nihoyasiga yetdi. “Alyans Arena”da kechgan bahsda mehmonlarning qoʻli baland keldi.
Uchrashuv mezbonlarning faolligida boshlandi, inglizlar esa oʻz omadlarini qarshi hujumdan qidirishdi. Uchrashuvning 26-daqiqasida mehmonlarning sanoqli hujumlaridan biri golga aylandi. Manuel Noyerning xatosidan soʻng Sadio Mane darvozani ishgʻol qildi.
Shundan soʻng myunxenliklar raqib darvozasi oldida bosimni oshirishdi va bu 39-daqiqiqaga kelib oʻz samarasini berdi. Oʻng qanotdan jarima maydoniga yorib kirgan Serj Gnabri toʻpni darvozabon maydonchasiga uzatdi, u yerda Joel Matip oʻz darvozasini ishgʻol qilib qoʻydi.
Ikkinchi boʻlim teng kurashlar ostida boshlandi, mersisaydlar birinchi boʻlimdan farqli oʻlaroq hujumda koʻproq harakat qilishdi. 69-daqiqada mehmonlar yana bir gol urishdi, Jeyms Milnerning burchakdan uzatgan toʻpini Virjil van Deyk boshi bilan Noyer darvozasiga joylab qoʻydi.
Goldan soʻng “Liverpul”da yana bir nechta qulay imkoniyatlar boʻldi va ularning biri 84-daqiqada oʻz samarasini berdi. Muhammad Salohning uzatib bergan toʻpini Mane boshi bilan darvozaga aniq yoʻlladi.
Shu tariqa, ikki oʻyin natijasiga koʻra “Liverpul” chorak finalga yoʻl oldi va chorak finalda oʻynaydigan toʻrtinchi ingliz klubi boʻldi.
Chempionlar ligasi
1/8 final, javob bahsi
Bavariya Germaniya – Liverpul Angliya 1:3 (1:1, 0:2)
Gollar: 0:1 – 26 Mane, 1:1 – 39, avtogol Matip, 1:2 – 69 van Deyk, 1:3 – 84 Mane.
Bavariya – Noyer, Zyule, Alaba, Rafinya, Xummels, Martines (Goretska, 72), Alkantara, Xames (Sanshesh, 79), Gnabri, Riberi (Koman, 61), Levandovski.
Liverpul – Alisson, Matip, Robertson, Aleksander-Arnold, van Deyk, Milner (Lallana, 87), Xenderson (Fabino, 13), Veynaldum, Mane, Salax, Firmino (Origi, 83).
Ogohlantirishlar: Fabino (43), Matip (63), Alkantara (65), Sanshesh (83).
Ilk oʻyin – 0:0 “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Eron Afg‘oniston bilan chegarasida beton devor qurishni boshladi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Toshkent viloyatida ikki yigit taksi haydovchisining joniga qasd qilmoqchi bo‘ldi
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi