Futbol bo‘yicha O‘zbekiston Superligasining 13-turi doirasida so‘nggi 4 ta uchrashuv 29 iyun, shanba kuni bo‘lib o‘tadi.
Samvel Babayan qo‘l ostiga o‘tgan Toshkentning «Lokomotiv» klubi o‘z maydonida Jizzaxning «So‘g‘diyona» jamoasini qabul qiladi. Eslatib o‘tamiz, «temiryo‘lchilar» avvalgi turda «Dinamo»ga yutqazib qo‘ygandi (1:2). «So‘g‘diyona» esa «Qo‘qon-1912» bilan durang o‘ynagandi (2:2).
Shota Arveladze boshqaruvidagi Toshkentning boshqa bir jamoasi «Paxtakor» «Qo‘qon-1912» maydoniga safar qiladi. Ikkala uchrashuv ham soat 18:00 da start oladi. Ma’lumot uchun, «sherlar» 32 ochko to‘plagan holda musobaqa jadvalida yetakchilik qilmoqda. Qo‘qonliklar esa 8 ochko bilan 13-o‘rinda bormoqda.
Ro‘ziqul Berdiyev boshliq Qarshining «Nasaf» klubi Termizning «Surxon» jamoasiga qarshi maydonga tushadi. Qayd etish joiz, qarshiliklar 12-turda «Metallurg»dan 1:0 hisobida ustun kelgan bo‘lsa, «Surxon» o‘z uyida «Bunyodkor»ni 2:0 hisobida taslim qilgandi.
Shu kuni «Buxoro» jamoasi «Andijon» bilan bahsga kirishadi. Ikkala uchrashuv ham soat 20:00 da boshlanadi. Ta’kidlash joiz, buxoroliklar oxirgi turda «Navbahor»ga imkoniyatni boy berib qo‘ygandi (1:3). «Andijon» esa OKMKga yutqazib qo‘ygandi (1:2).
«Lokomotiv»—«So‘g‘diyona» 18:00
«Qo‘qon-1912»—«Paxtakor» 18:00
«Nasaf»—«Surxon» 20:00
«Buxoro»—«Andijon» 20:00 “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Bekxem Ronalduni “Inter Mayami”ga olib kelish bo‘yicha ish boshladi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi