Peres: "Real" o‘yinchilari hurmat-ehtiromga sazovor"

"Real" prezidenti Florentino Peres jamoasi haqida fikrlari bilan bo‘lishdi.
"O‘tgan mavsum biz xohlagandek o‘tmadi. Bu jamoa hammasini yutib bo‘lganini tushunishingiz kerak, ammo darajamizni saqlab qolishda muhim bo‘lgan shiddatkorlikni ko‘rsata olmadik. Buni o‘zgartirishimizga menda zarracha ham shubha yo‘q. Kerakli o‘zgarishlar qilinishi shart va vazifamiz g‘alabalar qozonish. Muvaffaqiyatlarga och bo‘lishimiz zarur. "Real"da barcha sovrinlarni yutgan futbolchilar o‘ynashadi. Ular hurmat-ehtiromga sazovor", — deydi Peres.