Ba’zi sportchilar bo‘ladiki, o‘z yo‘nalishini san’at darajasiga olib chiqadi. Ular qanday natija ko‘rsatishidan qa’tiy nazar, har doim muxlislar yoqimtoyi bo‘lib qolaveradilar. Jumladan, boks olamida ham shunday charmqo‘lqop ustalari talaygina topiladi. Misol uchun, Muxammad Ali, Mayk Tayson, Roy Jons, Arturo Gatti bunday nomlarni uzoq davom ettirish mumkin.
Albatta, bu bokschilar tarixga aylanib ulgurgan. Hozirda ham ana shunday e’tibor qozonayotganlar yo‘q emas. Biz bugundan boshlab yangi "Iste’dod" ruknini yo‘lga qo‘ydik. Mazkur loyihada professional boks hamda MMA olamidagi yangi paydo bo‘layotgan yulduzlar haqida ma’lumotlar va ular ijrosidagi videorolikni taqdim etib boramiz.
Dastlabki qahramonimiz 25 yoshli britaniyalik Josh Kellidir. Uni boks olamida ikkinchi Lomachenko deb ham e’tirof etishadi. U yana 'Pretty Boy' ya’ni "Yoqimtoy bola" nomi bilan ham mashhur. Josh 1994 yil 7 martda Buyuk Britaniyaning Sanderlend shahrida tavallud topgan. Havaskor boksda 2013 yil Angliya chempioni, 2015 yil Yevropa o‘yinlari g‘olibi bo‘lgan. 2016 yilgi Rio Olimpiadasining 1/8 finalida qozog‘istonlik Daniyar Yeleussinovdan mag‘lubiyatga uchragan. Yana bir qozog‘istonlik bokschi Aslanbek Shimbergenovdan ham 2016 yil WSB seriyasida mag‘lub bo‘lgan edi. Kelli professional boksga 2017 yil qadam qo‘ydi. U yarim o‘rta, ya’ni 66.7 kg vazn toifasida faoliyat yuritadi.
Hozirda WBC reytingida 15 WBA da 11 o‘rinda qayd etilgan. Aynan ushbu vazn toifasida yurtdoshimiz Qudratullo Abduqahhorov ham o‘z janglarini o‘tkazishidan xabaringiz bor. Britaniyalik shovvoz ikki yil mobaynida 10 ta jang o‘tkazishga ulgurdi. Ularning 9 tasida g‘alaba qozonib, bir bora durang qayd etgan. G‘alabalarining 6 tasini nokaut evaziga qo‘lga kiritgan. Birgina durang joriy yilning birinchi iyunida Rey Robinson bilan bo‘lgan jangda qayd etilgandi.
Xullas, ushbu bokschini yaqin kelajak yulduzlaridan biri desak mubolag‘a bo‘lmaydi.
Uning janglaridan qisqa lavhalarni quyidagi havola orqali tomosha qilishingiz mumkin: VIDEO
Manba: Sports.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Eron prezidenti jiddiy bayonot berdi: «Isroildan hech narsa qolmaydi»
Amerikalik olimlar barcha uchun birdek foydali jismoniy faollik turini aniqladi
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
