Toshkentdagi «Ramada» mehmonxonasida 23 yoshgacha bo‘lgan O‘zbekiston milliy jamoasini Osiyo chempionatiga kuzatish marosimi o‘tkazildi. Serbiyalik Lyubinko Drulovich murabbiyligidagi jamoa avval BAAga yo‘l oladi. U yerda yig‘in o‘tkazgach, Tailanddagi Osiyo chempionatiga boradi va 9 yanvardan bahslarga kirishadi.
Tokio olimpiadasi yo‘llanmasi o‘ynaladigan musobaqani «C» guruhida boshlaydigan O‘zbekiston 1-turni 9 yanvar kuni Eronga qarshi o‘tkazadi. 12 yanvar kuni Xitoy, 15 yanvar kuni Janubiy Koreyaga qarshi o‘yinlar o‘tkaziladi. Guruhdan ikki jamoa keyingi bosqichga chiqadi. Chorak finalda g‘olib bo‘lganlar yarim finalda Olimpiada yo‘llanmasi uchun kurashadi. Osiyo chempionatida birinchi, ikkinchi va uchinchi o‘rinni olgan jamoalargina Tokio olimpiadasiga yo‘llanma oladi.
Musobaqaga amaldagi chempion sifatida yo‘l olayotgan o‘zbekistonlik futbolchilar olimpiya qo‘mitasi va O‘FA tomonidan tashkil etilgan tadbirda tantana bilan kuzatib qo‘yildi. Tadbir avvalida so‘zga chiqqan DXX raisi va O‘FA prezidenti Abdusalom Azizov futbolchilarga omad tiladi: «Barchangizga bo‘lajak musobaqada omad tilayman. Umid qilaman, yuzimizni yorug‘ qilib qaytasizlar. Sportchilarni rag‘batlantirish borasida hammasi joyida bo‘ladi»,— dedi Azizov.
Tadbirda mamlakatning mashhur sportchilari, murabbiylar, OAV xodimlari va sportchilarning ota-onalari qatnashdi. Mehmonlar uchun dasturxon tuzaldi va Qur’on tilovat qilinib, futbolchilarga omad tilandi. Tadbir oxirida Sevara Nazarxon o‘zining mashhur «Ulug‘imsan vatanim» qo‘shig‘ini kuylab, sportchilarga jo‘shqinlik bag‘ishladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Xorazmda Eron korxonalari uchun alohida sanoat zonasi tashkil etilyapti
Kuleba Rossiya qachon muzokaralarda ishtirok etishi mumkinligi haqida gapirdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi
Toshkent-Andijon pullik yo‘li loyihasi 4,65 mlrd dollarga baholandi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
O‘zbekistonning qaysi hududida parranda ko‘p boqiladi?
SSKA ustozi Fedotov Abbos Fayzullayevning jamoaga qaytgani haqida nima dedi?