Superliganing 2-turidan o‘rin olgan "Paxtakor" - "Buxoro" (3:0) uchrashuvidan keyingi matbuot anjumanida mezbonlar ustozi Shota Arveladze ishtirok etdi.
"Har bir o‘yin juda qiyin o‘tmoqda, mavsum boshi bo‘lgani uchun. Formaga tezroq kirish kerak. Uchta goldan tashqari yana 4-5ta golli vaziyat bo‘lgandi. Raqibda esa adashmasam birinchi taymda yarimta vaziyat bo‘ldi.
Biz chiroyli gollar urdik. G‘alaba qozonish juda muhim edi. Birinchi taymda biroz sekinroq o‘ynadik. Balki raqib maydon markazida to‘pni erkin berib qo‘ygani uchun shunday bo‘lgandir. Ikkinchi taymda ko‘proq hujumga o‘tdik, to‘p uzatishlar ko‘proq bo‘ldi. Bir marta to‘p ustunga tegdi. Ikkinchi taymda chiroyli o‘yin va chiroyli gollar evaziga juda muhim g‘alaba qo‘lga kiritildi", - deydi Shota Arveladze.
- "Paxtakor" o‘tgan yilgidek agressiv emasdek ko‘rinmoqda...
- Xuddi shuni boshida aytdim. Mavsum boshi bo‘lgani uchun futbolchilar tezroq formaga kirishlari lozim. Rostini aytsam, Superligada ikkala o‘yinda ham raqib deyarli 10 kishi bo‘lib himoyalandi. Men ko‘prog‘ini xohlayman va ko‘prog‘ini kutaman. Temp qo‘shish kerak, formaga kirish kerak. Balki hujumda agressiv emasdirmiz biroq 4ta rasmiy o‘yinda 10ta gol urdik va 2ta gol o‘tkazdik. O‘yinni yaxshilash uchun vaqt bor, xatolarni ko‘rib chiqish va ishlashda davom etish lozim.
- Derdiyok haqida nima deysiz?
- O‘yinga yaxshi qo‘shildi. Haqli ravishda penalti ishladi. Bunday o‘yinlarga qo‘shilib ketish qiyin.
- Asad Sobirjonov mashg‘ulotlarda juda ham o‘zini yaxshi ko‘rsatmoqda. Unga qachon yanada ko‘proq imkoniyat berasiz?
- Jamoadagi barcha bir-biri bilan raqobatlashmoqda. Hammaning o‘z roli bor. Kimdir o‘yinni boshlaydi, kimdir tugatadi. Tarkibda yaxshi formada bo‘lmaganlar ham bor, ular bilan ham ishlashda davom etamiz.
- O‘zbekiston chempionatida deyarli barcha jamoa himoyaviy o‘yin namoyish etishadi. Shu boisdan "Paxtakor" himoyachilari yetarlicha bosimni his qilishmayapti. Buni qanday hal qilmoqchisiz?
- Kamida 4ta klub hujumkor o‘ynaydi. Bular "Lokomotiv", "Bunyodkor", "Nasaf" va yana bir jamoa topilsa kerak. Sababi ularning uslubi shunday. Futbol shunday OCHLga ham, Superligaga ham tayyorlanish kerak. Himoyachilarga ham bunday vaziyatda qiyin, butun o‘yin davomida hech qanday vaziyat bo‘lmaydi va bitta hujum qimmatga tushishi mumkin. Shu bois doim xushyor bo‘lish shart. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shols va Putin o‘rtasidagi suhbat Kiyevga signal bo‘ldi
Ayrim boshqaruv servis kompaniyalari shartnomalarida asossiz shartlar belgilangani aniqlandi
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
20 yoshli o‘zbekistonlik qizni qarindoshi Turkiyaga sotib yubordi
Kreml Ukraina bo‘yicha muzokarada shartlar qo‘yishga urinmoqda
Turkiyaning Harper's Bazaar nashri yil ayolini aniqladi (foto)
Rossiya armiyasi Kupyanskka kirgani aytilmoqda
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
