Ivan Solovyov: Sizga kafolat beraman, Oston O‘runov yangi Halk bo‘ladi

^{Foto: Twitter/@Ufafc}
«Navbahor» klubi yarim himoyachisi Ivan Solovyov sobiq jamoadoshi, hozirda «Ufa» safida to‘p surayotgan Oston O‘runov haqidagi fikrlari bilan o‘rtoqlashdi.

«O‘runov bilan yarim yil birga o‘ynaganman. Oston — o‘zbekistonlik Halk. Uning mushaklari og‘irligi Xalkniki bilan deyarli teng. U — iqtidorli futbolchi. Agar «Spartak» uni uzatma oshirishga o‘rgata olsa, u top-futbolchi bo‘ladi.

Oston yaxshi tezlik va driblinga ega o‘yinchi. Asosiysi uni pas bilan o‘ynashga o‘rgatish. Agar u moslasha olsa va jamoaga o‘ynashni o‘rgansa — bu RPL yangi mavsumining kashfiyoti bo‘ladi.

Sizga kafolat beraman, u yangi Halk bo‘ladi. Ikkinchi Halk, faqat o‘zbekcha. Uning ilk turdagi jarima maydoni tashqarisidan urgan golini eslayman. O‘runov — haqiqiy mashina.

Ostonning rus tilisi? Xo‘sh, biz o‘zbekchada qanday gapira olsak, uning ruschasi ham shunday. O‘runov bizning tilni yaxshi biladi, biroq javob qaytara olmaydi — xuddi kuchukka o‘xshab, buni yaxshi ma’noda gapiryapman (kuladi).

Biroq Oston bundan hech ham xijolat bo‘lmaydi, u yaxshi yigit. Shunchaki u hamma so‘zlarni ham ayta olmaydi, ammo unga aytgan barcha gapingizni tushunadi.

Hechqisi yo‘q, «Spartak»da uni ichkilik olib kelishga jo‘natib, rus tilini tezda o‘rgatib qo‘yishadi. Hazil, Oston — haqiqiy professional va iymonli inson. Ichmaydi, chekmaydi, har xil qizlar bilan gaplashmaydi», — deydi Solovyov.

Avvalroq «Spartak» Oston O‘runov transferi borasida «Ufa» bilan kelishib olgani va futbolchi koronavirusdan xalos bo‘lishi bilan shartnoma rasmiylashtirilishi xabar qilingandi. Transfer 2 million yevroga baholangan. 19 yoshli futbolchi moskvaliklar safida yiliga 600 ming yevro maosh oladi. “Zamin” yangiliklarini “Instagram”da kuzatib boring