21:38 / 24.06.2021
3 310

Farrux Sayfiyev: "Eren Derdiyok jamoamizni tark etdi"


Toshkentning "Paxtakor" jamoasi Superliganing 6-tur qoldirilgan o‘yinida o‘z maydonida "Andijon"ni qabul qildi.
Ushbu uchrashuvdan so‘ng "Paxtakor"ning tajribali futbolchisi Farrux Sayfiyevning fikrlari bilan qiziqdik.

- "Andijon" bilan uchrashuvdan oldin ko‘pchilik "Paxtakor"ning oson yutishini taxmin qilgandi...
- O‘yinni yaxshi boshladik. Tezkor gol urib olganimizdan so‘ng biroz bo‘shashish kuzatildi. Bu - futbol. Bunday holatlar bo‘lib turadi. Asosiysi g‘alabani qo‘lga kiritdik. Shunga qaramasdan to‘xtab qolishimiz kerak emas. Turnir jadvalida "So‘g‘diyona" bilan ochkolarimiz orasida farq kichik. Qolgan o‘yinlarda bo‘shashishga haqqimiz yo‘q.

- Nima uchundir pastki o‘rinlardagi jamoalar qolganlarga nisbatan juda qattiq karshilik ko‘rsata olmoqda. "Andijon" ham so‘nggi daqiqagacha kurashdi...
- Nafaqat "Andijon", balki barcha jamoalar bizga qarshi bor kuchi bilan o‘ynamoqda.

-  Oldinlari Jaloliddin Masharipov bilan juda yaxshi kelishib o‘ynar edingiz. Biroq hozirda oldingi chiziq vakillari bilan biroz tushunmovchilik kuzatilayotgandek...
- Jalol bilan 3 yil birga to‘p tepdik. To‘pni qabul qilib olganimizda qayerga ochilishni, qaysi joyga to‘pni oshirishni muammosiz bilar edik. Hozirda esa uning yo‘qligi sezilmoqda.

- Shu narsa terma jamoamizda ham yetishmadi. Vadim Abramovning sizni olib ketmagani hali ham e’tirozlarga sabab bo‘lmoqda...
- Turkmaniston bilan o‘yindan so‘ng Vadim Karlenovich qolishimni aytgandi. Kimni olib ketish yoki qoldirishni bosh murabbiy hal qiladi. Shunga qarab u natijaga javob beradi.

- Shota Arveladzening O‘zbekiston terma jamoasiga murabbiy bo‘lishiga qanday qaraysiz? 
- Shota Yustinovich har tomonlama yaxshi inson va murabbiy. Hurmatga loyiq inson, deb bilaman. Futbolimizga shunday murabbiylar kerak.

Abdulaziz Iskandarov suhbatlashdi

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Farrux Sayfiyev: "Eren Derdiyok jamoamizni tark etdi"