12:50 / 03.08.2021
1 327

Shomurodovning agenti: "Mourinyu u bilan yana bir bor rasmga tushishga tayyorligini aytdi"

Shomurodovning agenti: "Mourinyu u bilan yana bir bor rasmga tushishga tayyorligini aytdi"

O‘zbekiston terma jamoasi hujumchisi Eldor Shomurodov "Roma" klubi bilan 2025 yil oxiriga qadar shartnoma tuzdi.
Rossiyaning "Sport Ekspress" nashri Shomurodovning agenti German Tkachenko bilan suhbatlashdi.

- "Roma" Shomurodov bilan shartnoma tuzilganini e’lon qildi. Bu o‘tish haqida nima deya olasiz? Chetdan qaraganda bu ertakka o‘xshaydi: oddiygina o‘zbek yigiti top-klubda.
- Shomurodovning "Roma"ga o‘tishi - ertak emas. Bu 90 foiz Eldorning mashaqqatli mehnati va qobiliyati, qolgan 10 foiz esa biz shunchaki o‘z ishimizni sifatli bajardik. Albatta, bu Eldorning o‘z mehnati, qobiliyati va harakati samarasi. Bu A seriyadagi 10 oy ichida urilgan 8ta gol bilan cheklanmaydi. U jamoa uchun ham o‘ynadi, sheriklariga vaziyatlar yaratishga urindi. Ishga va insonlarga bo‘lgan munosabati ham muhim o‘rin tutadi. Qisqa vaqt ichida uni "Jenoa"dagi futbolchilar, baza va klubdagi ishchilar, minglab muxlislar yaxshi ko‘rib qolishdi. Umuman olganda, A Seriya uni juda yaxshi qabul qildi. Qishki transfer oynasi vaqtidayoq jurnalistlar va top-klublardan bo‘lgan qo‘ng‘iroqlardan bilib oldik.

- Qachon va qanday qilib "Roma"ning qiziqishi paydo bo‘ldi?
- Mish-mish emas, jiddiy qiziqish taxminan 3 hafta oldin paydo bo‘ldi. "Jenoa" bizga Rim klubidan qiziqish bo‘layotgani haqida ma’lumot berdi va bu haqiqat edi. Bunga qadar barchasi mish-mish edi.

- "Roma"ning qiziqishi haqida eshitganida Eldorning birinchi reaksiyasi qanday bo‘ldi?
- Biz unga shunday variant borligi aytganimizda: "Oxo. Bu rostmi?" dedi. O‘sha paytda u "Jenoa" safida yig‘inda edi. U bilan yozgi transfer oynasi vaqtida boshqa davlatga ko‘chib o‘tmasligi borasida aytdik, shunda ortiqcha asabiylashish bo‘lmasdi. "Jenoa"ga faqat klubni ham, futbolchini ham qoniqtiradigan jiddiy taklif bo‘lsagina transfer amalga oshishi mumkinligi haqida aytdik. Mana bu amalga oshdi.

- "Roma"da hozir Joze Mourinyu ishlamoqda. Eldor u bilan suhbatlashdimi?
- "Jenoa"ning ruxsati bilan ular telefon orqali gaplashishdi. Joze undan holati, kayfiyati haqida so‘radi. "Roma" ayni paytda Portugaliyada yig‘in olib bormoqda, Eldor u yerga uchib borgach, Joze bazada uni qarshi oldi va kulib yana bir bor rasmga tushishga tayyorligini aytdi: bir necha yil oldin ular Moskvada uchrashib qolishgan va rasmga tushishgandi. Umuman, barchasi ijobiy ruhda o‘tdi.

- Bu keyinchalik sotib olish huquqi bilan ijarami?
- Yo‘q, bu to‘laqonli transfer", - deydi Tkachenko "Sport Ekspress" nashriga.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Shomurodovning agenti: "Mourinyu u bilan yana bir bor rasmga tushishga tayyorligini aytdi"
[/banner_pushhouse