O‘zbekiston terma jamoasi va «Roma» hujumchisi Eldor Shomurodov Rim markazidan uy ijaraga olgan. 2 ming kvadratga yaqin maydonga ega uyda kattagina basseyn, avtoturargoh va 5 ta yotoqxona mavjud, deya yozmoqda «Tribuna.uz».
Xabarda aytilishicha, mazkur uy «Chelsi» bilan 2012 yilda Yevropa Chempionlar Ligasida g‘olib bo‘lgan murabbiy Roberto di Matteoga tegishli. Italiyalik mutaxassis uyni «Latsio»da o‘ynagan vaqtida sotib olgan.
Qayd etilishicha, Shomurodov shu vaqtgacha mehmonxonada yashagan va futbolchi oilasi bilan o‘zini erkin his qilishi uchun kvartira emas, hovli ijaraga olishga qaror qilgan.
Rim klubi 3 avgust kuni Eldor Shomurodovni «Jenoa»dan 17,5 million yevro evaziga xarid qildi. Shomurodov «Roma» bilan 2026 yil 30 iyuniga qadar mo‘ljallangan shartnoma imzoladi. U yangi klubida hozirgacha 2 ta o‘rtoqlik o‘yinida maydonga tushib, 2 ta gol va 1 ta assistga mualliflik qildi.
Shomurodov 2020/21 yilgi mavsum boshida «Rostov»dan 7,5 million yevro evaziga «Jenoa»ga o‘tgandi. Bungacha u «Mash’al» va «Bunyodkor» klublarida to‘p surgan. Eldor A Seriyaning 2020/21 yilgi mavsumida 31 ta o‘yin o‘tkazib, 8 ta gol urishga muvaffaq bo‘lgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
O‘zbekistonlik jangchi UFC reytingida top-darajaga ko‘tarilganidan keyin nimalar dedi?
“Zenit” futbolchisi Fayzullayev haqida nimalar dedi?
U-23 Osiyo kubogi. Norchayev finalda gol ursa, to‘purar bo‘lishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Prezidentning yangi qarori bo‘yicha ma’lumot berildi
Sharmandaga shahar keng