2 563
Vadim Abramov: Shomurodovni «Barselona» yoki «Real»da ko‘rishimiz mumkin. Bu fantastika emas
O‘zbekiston milliy terma jamoasining sobiq bosh murabbiyi Vadim Abramov Eldor Shomurodovning «Roma»dagi kelajagi haqida gapirdi.
- "Shomurodovning «Jenoa» kabi klublarda gol urganini hisobga olib, uning «Roma»ga o‘tishi meni hayron qoldirgani yo‘q. Terma jamoa murabbiyi sifatida genuyaliklarni kuzatishni boshlagandim va ochig‘i, hayron bo‘lgandim. Jamoani bu qadar kuchsiz deb o‘ylamagandim. Eldor esa u yerda o‘zini ko‘rsata oldi. Bunday natijaga erishish juda murakkab edi. U katta iste’dod egasi. Kam sonli o‘yinchilargina o‘zini «Jenoa»da ko‘rsata olardi.
Zero, hujumchining o‘yini boshqa futbolchilarga bog‘liq. Uni qulay vaziyatga olib chiqadigan futbolchilar ham yo‘q edi. Shunga qaramay, Eldor ko‘p gol ura oldi. «Roma»da esa gol urish osonroq. Hatto Krishtianu Ronalduni ham «Jenoa»ga olib keling, u «Yuventus»da erishgan natijani ko‘rsata olmaydi.
Shomurodovning ikkita o‘yinda urgan ikkita goli Joze Mourinoni qoyil qoldirishi kerak. Lekin gol urib ham tarkibga kira olmaslik mumkin. Nomi chiqqan futbolchilar bor. Misol uchun, Eden Jeko yoki Olive Jiruga moslashish uchun vaqt beriladi. Eldordan esa Mourino darhol natijani kutadi. U bunday raqobatda o‘zini ko‘rsata oladimi, bu Eldorga bog‘liq. Ammo buning uchun hamma imkoniyat bor.
Shomurodov «Roma»dan ham yaxshiroq klublarda o‘ynashi mumkin. Eldor hech kimdan kam emas. Agar ko‘proq gol urish uchun shart-sharoit yaratib beradigan yigitlar borasida omadi kelsa, u yaxshi natijaga erishishi mumkin. Biz Shomurodovni «Real» va «Barselona» kabi eng yaxshi klublarda ko‘rishimiz mumkin. Hozir bu fantastikadek tuyuladi, ammo bu haqiqat", - dedi Vadim Abramov.
Eslatib o‘tamiz, Rim klubi Eldor Shomurodovni «Jenoa»dan 17,5 million yevro evaziga xarid qildi. Shomurodov «Roma» bilan 2026 yil 30 iyuniga qadar mo‘ljallangan shartnoma imzoladi. U 2020/21 yilgi mavsum boshida «Rostov»dan 7,5 million yevro evaziga «Jenoa»ga o‘tgandi. Bungacha Eldor «Mash’al» va «Bunyodkor» klublarida to‘p surgan. Eldor 2019/20 yilgi mavsumda A Seriyada 31 ta o‘yin o‘tkazib, 8 ta gol urishga muvaffaq bo‘ldi.
O‘zbekistonlik futbolchi «Roma» tarkibidagi ilk rasmiy o‘yinida gol urdi. Bungcha u rimliklarning «Betis»ga qarshi nazorat o‘yinida (2:5) raqib darvozasini ishg‘ol qilgandi. «Raja» klubiga qarshi o‘yinda (5:0) esa bitta gol va golli uzatma muallifiga aylangan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Immunitetni ko‘tarish uchun 6 ta eng yaxshi vitamin
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Tramp Putinga qo‘ng‘iroq qilib, Ukrainadagi urushni muhokama qildi
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
