Eron g‘alaba qozonib, o‘z guruhida peshqadam bo‘lib oldi

Jahon chempionati Osiyo mintaqasi uchinchi saralash bosqichidan o‘rin olgan Birlashgan Arab Amirliklari - Eron o‘yini yakuniga yetdi. Mazkur uchrashuvda mezbonlar raqibga 0:1 hisobida imkoniyatni boy berdi.

Uchrashuvning 71-daqiqasida Mexdi Taremi amirliklar darvozasini ishg‘ol etdi. Bu gol forslarga muhim 3 ochkoni qo‘lga kiritish uchun kifoya bo‘ldi.

3-turdan so‘ng 100 foizlik natija qayd etayotgan Eron ochkolari sonini 9 taga yetkazib olgan holda "A" guruhi peshqadamiga aylanib oldi. BAA hisobida hozircha 2 ochko bor va ular 3-pog‘onani band etib turibdi. “Zamin” yangiliklarini “Telegram”da kuzatib boring