JCH-2022: Qatarda bo‘ladigan musobaqaga yo‘llanma olgan ilk milliy jamoa ma’lum bo‘ldi

^{Foto: «Football-fun»}
Germaniya milliy jamoasi safarda Shimoliy Makedoniyani tor-mor etdi — 0:4. Natijada nemis futbolchilari Qatarda 2022 yilda bo‘lib o‘tadigan jahon chempionati finaliga birinchi bo‘lib yo‘llanma olishdi.

Nemislarning «gol urmas» hujumchisi Timo Verner g‘alabaga eng ko‘p hissa qo‘shdi: 70 va 73-daqiqalarda dublni rasmiylashtirdi. Kay Xavers (50-daqiqa) va Jamol Musiala (83-daqiqa) hisobida bittadan gol bor.

21 ochko to‘plagan Germaniya terma jamoasi «J» guruhida birinchi o‘rinda ketmoqda. “Zamin” yangiliklarini “Telegram”da kuzatib boring