Taniqli mutaxassis Alisher Nikimbayev o‘zining telegram kanalida qiziq post qoldirdi. Gap shundaki, shu yilning 25-31 oktabr kunlari Quvaytda U-23 Osiyo chempionatiga saralash "D" guruhi o‘yinlari bo‘lib o‘tishi belgilab qo‘yilgan. Bu guruhda O‘zbekiston, Saudiya Arabistoni, Bangladesh va Quvayt jamoalari o‘rin olgan.
Alisher Nikimbayevning "Futbolium" telegram kanalida shunday post chiqdi: "Quvayt futbol assotsiatsiyasi 23 yoshgacha Osiyo chempionati "D" guruhi o‘yinlarini qabul qila olmaydi. Shu bois OFK zudlik bilan yangi mezbon qidirmoqda va o‘yinlarni o‘tkazish taklifi bo‘yicha O‘zbekiston va Saudiya Arabistoniga chiqqan".
Bizga ma’lum bo‘lishicha, Timur Kapadze boshchiligidagi bo‘lajak O‘zbekiston olimpiya terma jamoasining 22 oktabr kuni saralash bahslarida qatnashish uchun Quvaytga yo‘l olishi kutilgandi. Biroq Quvayt mezbonlikdan bosh tortgan bo‘lsa, safar bekor qilinadi va shunda katta ehtimol bilan o‘yinlar bizda yoki Saudiya Arabistonida o‘tkaziladi.
Lekin OFK hozircha Quvayt mezbonlikdan bosh tortgani haqida rasmiy xabar bergani yo‘q. Biroq tashkilot tomonidan saralash bahslariga mezbonlik qilish bo‘yicha O‘FAga murojaat kelib tushgan va hozir bu borada ishlar olib borilmoqda. Agar O‘FA rozilik bersa, saralash uchrashuvlari bizda o‘tishi mumkin yoki Saudiya Arabistoni qabul qilishga tayyorligini bildirsa, unda Timur Kapadze jamoasi Saudiyaga yo‘l oladi.
Eslatib o‘tamiz, navbatdagi U-23 Osiyo chempionati 2022 yilning 1-19 iyun kunlari O‘zbekistonda o‘tkaziladi.
"D" guruhi saralash o‘yinlari taqvimi:
25 oktabr. Saudiya Arabistoni - O‘zbekiston
25 oktabr. Bangladesh - Quvayt
28 oktabr. O‘zbekiston - Bangladesh
28 oktabr. Quvayt - Saudiya Arabistoni
31 oktabr. Saudiya Arabistoni - Bangladesh
31 oktabr. Quvayt - O‘zbekiston “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi