“Roma”ning 2021 yildagi so‘nggi golini urish Eldor Shomurodovga nasib qildi. Afsuski, hamyurtimizning A Seriyadagi ikkinchi goli rimliklarga g‘alaba keltirgani yo‘q, aksincha, Mourino shogirdlari nisbatan kuchsiz raqib bilan ochko bo‘lishishga majbur bo‘ldi.
Italiya muxlislari qiziqqonligi, talabchanligi va hissiyotlarga berilishi bilan ajralib turadi. “Sampdoriya” bilan bo‘lgan uchrashuvdan keyin “Roma” tarafdorlari klubning ijtimoiy tarmoqlardagi sahifalarida o‘yin taassurotlari, futbolchilarning xatto-harakatlariga o‘z fikr-mulohazalarini bildirmoqda.
Avvalroq, “Roma” ishqibozlarining Eldor Shomurodovning o‘yinga bildirgan munosabatlarining birinchi qismini e’lon qilgan edik.
Uchrashuv muhokamasi va rimliklarning goliga mualliflik qilgan o‘zbek hujumchisi berilayotgan baholar hali to‘xtagani yo‘q. E’tiboringizga “Roma” muxlislarining Shomurodov haqidagi kommentlarining ikkinchi qismini havola etamiz.
Luigi Valentini:Shomurodov jamoaga foyda keltirishga qodirligini yana bir karra isbotlab qo‘ydi. “Jenoa”ning sobiq hujumchisi uchun genuyaliklarning ashaddiy raqibi – “Sampdoriya”ga gol urish sharaf hisoblanadi.
Bundan tashqari, Eldor Mourino taqdim etayotgan o‘yin vaqtidan ancha ko‘piga loyiq. Keyingi uchrashuvlarda unga ko‘proq imkoniyat berishlariga umid qilaman.
Paul Frangi:Keyingi to‘qnashuvlarda Shomurodovning o‘yinini ko‘rishga qiziqyapman. Zaxiradan o‘yinga qo‘shilib, zo‘r o‘ynayapti. Oldindagi uchrashuvda Temmi Abraxam o‘ynamasa kerak. Eldor boshlang‘ich tarkibda ham foyda keltira olishini yana bir bor ko‘rsatib qo‘yishi kerak.
Marc Zoro:Shomurodov “Jenoa”da o‘ynaganida ham o‘z vaqti va imkonini kutishga qodirligini namoyish qilgan edi. O‘shanda ham uni zaxiraga o‘tqazib qo‘yishgan, u esa boshqalar o‘rniga maydonga tushib ham gol urishni uddalagan edi. Shuning uchun ham men Shomurodovni transfer qilganimizda xursand bo‘lgandim. U ishonchli hujumchi va hech qachon pand bermaydi!
Gianni Graziani:Shomurodovdek hujumchini zaxirada olib o‘tirishgani yomon alam qilyapti. Bu ko‘p jihatdan klubning amerikalik xo‘jayinlarining tanloviga bog‘liq masala. Shuning uchun boshlang‘ich tarkibda doim Abraxam o‘ynayapti. Uni o‘rniga Afena-Gyan chiqadigan bo‘ldi. Hech qaysisi gol ura olmaganidan keyin Eldorni maydonga tushirishmoqda. Shomurodov esa zaxiradan o‘yinga qo‘shilib ham to‘p kirityapti.
Elisa Victoria (Gianni Graziani fikriga javoban):“Roma”ga egalik qiluvchi Fridkinlar oilasi Temmi Abraxamga 40 million yevro sarflagani uchun ham aynan angliyalik hujumchi maydonda ilk daqiqalardan o‘ynayapti.
Patrick Qumpita:Abraxamni zaxiraga olishayotganda “Endi hujumda kim o‘ynaydi?”, deb xavotirga tushib qoldim. Eldor chiqdi va bu savolga bir pasda o‘z goli bilan javob berdi.
Luca Occhionero:Shomurodov juda harakatchan hujumchi. Shu xususiyati menga doim yoqqan. Hatto “Jenoa”da o‘ynagan paytida ham. Gol urgan vaziyatda Eldorning pasini raqib qaytarib qoldi, lekin o‘zbek hujumchisining o‘zi to‘pni egallab olib, darrov darvozaga zarba berib, to‘pni to‘rga joyladi. Eldor doim hujumkorlikni kuchaytira oladi.
Giuseppe Partenopeo:Shomurodov hisobida gol+pas tizimida 8 ball bor. Joriy mavsumda u atigi 869 daqiqa o‘ynadi xolos. Temmi Abraxam 1875 daqiqada 15 ochko to‘pladi. Shunga qaramay, asosiy tarkibda ingliz futbolchisi o‘ynaydi. Chunki u qimmat turadi va Angliya premer-ligasidan kelgan, degan nomi bor! “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
