Joze Mourino anchadan beri “Roma”ning hozirgi tarkibi yuqori maqsadlar uchun kurashishga qodir emasligini ta’kidlab keladi. Klub rahbariyati ham uning bu fikrini qo‘llab-quvvatladi. Sport direktori Tyago Pintoning zimmasida katta yuk turibdi. Bu mutaxassis bosh murabbiyga ma’qul kelmagan o‘yinchilarni boshqa jamoaga o‘tkazishi va ularning o‘rniga Mourino talablariga javob beradigan ijrochilarini olib kelishi lozim.
Sports.uz portali “Roma” futbolchilariga qaysi jamoalardan takliflar bo‘layotgani haqida ma’lumot beradi.
Federiko Fasio
Argentinalik tajribali futbolchiga “Napoli” xaridor bo‘lmoqda. Neapol jamoasi himoyasida kadrlar muammosi kuzatilmoqda. Kostas Manolas klubni tark etdi, yetakchi himoyachi Kalidu Kulibali jarohat oldi. Tuzalgan taqdirda ham bir oy mobaynida Senegal terma jamoasi safida Afrika Millatlari kubogida ishtirok etish uchun jo‘nab ketadi.
“Napoli” xo‘jayinlari bu muammoni “Roma”da joriy mavsumda biror marta o‘ynamagan Federiko Fasio yordamida hal qilmoqchi.
Fasio 2017 yili “Roma”ga kelgunga qadar, “Tottenxem” va “Sevilya”da yaxshi o‘ynagan. Rimdagi faoliyatining dastlabki qismi ham ko‘ngildagidek edi. Mourino esa argentinalik futbolchiga umuman ishonch bildirmayapti.
“Napoli” Fasio transferini 500 ming yevroga hal qilishi mumkin.
Borxa Mayoral
“Real” tarbiyalanuvchisi ichki raqobatda Eldor Shomurodovga qarshi tura olmadi. Bir-ikki yorqin o‘yin ko‘rsatgani Mourinoning ishonchini qozonishga yetarli bo‘lmadi. Borxa Mayoral katta ehtimol bilan yanvarda Rimdan ketadi.
“Real” ham unga asosiy tarkibdan joy bermasligi aniq. Hozircha ispan hujumchisida A Sekriyadan ikkita va Angliya premer-ligasidan bitta taklif bor.
“Fiorentina” va “Kalyari” 24 yoshli forvardni ijaraga berishni so‘ramoqda. “Kristal Pelas” esa Borxani to‘liq transfer qilmoqchi. Madridliklar uni “Roma”dan qaytarib olib, “Kristal Pelas”ga sotib yuborishni rejalashtirmoqda.
Feliks Afena-Gyan
18 yoshli hujumchi Afena-Gyan bosh murabbiy Joze Mourinoning kashfiyoti hisoblanadi. Professional darajada endiga besh marta o‘ynagan hujumchi ikkita gol urishga ham erishdi.
U Rim klubida asosiy tarkibga kirish uchun Gana milliy terma jamoasining taklifini qabul qilmadi va Afrika Millatlari kubogida ishtirok etish o‘rniga Mourino mashg‘ulotlarida ter to‘kishni ma’qul topdi.
Iste’dodli futbolchiga “Sassuolo” xaridor bo‘lyapti. Ular yosh o‘yinchini mavsumning ikkinchi qismi uchun ijaraga olishni rejalashtirgan.
Gonsalo Vilyar
23 yoshli yarim himoyachi ham Joze Mourino boshchiligidagi murabbiylar shtabining ishonchiga kira olgani yo‘q. Vilyar A Seriyada umuman maydonga tushmadi. Olti marta Konferensiyalar ligasi bellashuvlarida ko‘rinish bergan bo‘lsa-da, hech narsani qoyillatgani yo‘q.
Shunga qaramay, ispan futbolchisiga “Selta” va “Elche”dan chorlov bo‘lyapti. Bu borada “Selta”ning imkoniyati yuqori baholanmoqda.
Transfer summasi 14 million yevroni tashkil qilayotgan Gonsaloga yana ikki jiddiy xaridor bor. “Atletiko” bosh murabbiyi Diyego Simeone bu o‘yinchini Madridga olib kelmoqchi. Shuningdek, Italiya chempioni “Inter” ham Vilyar atrofidagi vaziyatni diqqat bilan kuzatib bormoqda.
Marash Kumbulla
21 yoshli himoyachi imkon qadar Mourino ishonchini oqlashga harakat qilmoqda. Biroq yoshligi sababli raqobatda ortda qolayotgani ham bor gap.
Albaniya terma jamoasi o‘yinchisi hisoblangan Marash yaqinda klub sport direktori Tyagu Pintoga Rimda qolmoqchi ekanini aytdi.
Shunga qaramay, Kumbullaga “Napoli”, “Fiorentina”, “Kalyari” va “Torino”dan taklif bor.
Kumbulla joriy mavsumda 13 ta uchrashuvda qatnashdi. Uning rimliklar bilan amaldagi shartnomasi 2025 yilning yarmigacha davom etadi. Marash 22 million yevro turadi.
Davide Santon
Mourino kelganidan beri biror marta maydonga tushmagan italiyalik futbolchi ham yanvarda o‘ziga yangi ish joyi topishi kerak.
So‘nggi ma’lumotlarga qaraganda, 30 yoshli o‘yinchiga “Kalyari” va Turkiya chempionati vakili “Fatih Karagyumryuk” jamoalaridan qiziqish bor.
Avvalroq, “Roma” mutasaddilari o‘z vaqtida “Inter”, “Nkasl”, “Chezena” kabi klublarda o‘ynagan himoyachini "Latsio"ga taklif qilgandi. Biroq, Rimning ikkinchi klubi ishsiz qlgan "bo‘ri"ga qiziqmadi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Britaniya muzeyi mamlakat tarixidagi eng qimmat sovg‘aga ega bo‘ladi
