O‘tgan yilning so‘nggi kunlarida Polsha poytaxti Varshavada o‘tkazilgan shaxmatning rapid va blis yo‘nalishlari bo‘yicha jahon chempionati nafaqat O‘zbekiston, balki butun dunyo shaxmati uchun ham tarixiy natijani tuhfa etdi.
Biz uchun ahamiyatlisi, mazkur jahon chempionatining rapid yo‘nalishida 17 yoshli hamyurtimiz, dunyoning eng yosh grossmeysterlaridan biri Nodirbek Abdusattorov nomdor raqiblari, jumladan, klassik shaxmat bo‘yicha amaldagi jahon chempioni norvegiyalik Magnus Karlsenni mag‘lubiyatga uchratib, rapid yo‘nalishida eng yosh jahon chempioniga aylandi.
Nodirbek musobaqa davomida Karlsendan tashqari Fabiano Karuana (AQSH), Yan Nepomnyashiy (Rossiya), Levon Aronyan (Armaniston) kabi zamonamizning eng nomdor va yetakchi shaxmat ustalarini ham mag‘lub etib, haqli ravishda chempion bo‘ldi.
Rapid yo‘nalishidan so‘ng 180 nafar shaxmatchi ikki kun davomida blis yo‘nalishida o‘zaro musobaqalashdi. O‘tkazilgan bahslar yakuniga ko‘ra, Javohir Sindarov hamyurtlarimiz orasida eng yaxshi natijani qayd etdi. Shaxmatchimiz 21 imkoniyatdan 13,5 ochko jamg‘argan holda 8-o‘rinni egalladi.
Bugun tunda jahon chempioni Nodirbek Abdusattorov va terma jamoamizning qolgan vakillari joy olgan samolyot Islom Karimov nomidagi Toshkent xalqaro ayeroportiga kelib qo‘ndi. Shaxmatchilarimizni Turizm va sport vazirligi va O‘zbekiston shaxmat federatsiyasi mas’ul xodimlari, keng sport jamoatchiligi, shaxmatchilarning oila a’zolari va ommaviy axborot vositalari xodimlari tantanali ravishda kutib olishdi. Bu haqda Turizm va sport vazirligi matbuot xizmati xabar berdi.
Eslatib o‘tamiz, jahon chempionatidagi g‘alabasi sharafiga hamyurtimiz Nodirbek Abdusattorov Prezident farmoniga ko‘ra "Mard o‘g‘lon" davlat mukofoti bilan taqdirlandi hamda Toshkent shahridan ikki xonali uy bilan mukofotlandi.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Britaniya muzeyi mamlakat tarixidagi eng qimmat sovg‘aga ega bo‘ladi
