Eldor Shomurodov harakatchanligi, tirishqoqligi, kurashuvchanligi va mehnatkashligi bilan har qanday jamoa muxlislari mehrini qozona oladi. Hamyurtimiz ishqibozlik qilishda o‘ziga xos nozik did sohibi hisoblangan Rim shahri aholisining e’tibori va e’tirofini qozongani yoqimli.
Italiya kubogining nimchorak finalida “Lechche” darvozasini ishg‘ol qilib, jamoasining 3:1 hisobidagi g‘alabasini ta’minlagan Shomurodovning xatti-harakatlari “Roma” fanatlariga manzur bo‘ldi. Ayniqsa, futbolchimizning asosan zaxiradan o‘yinga tushib, gol urishni uddalayotgani ishqibozlar tomonidan alohida e’tiborga olindi.
Darhaqiqat, Eldor ketma-ket sakkizinchi marta o‘yinga zaxiradan qo‘shildi. “Roma”ning rasmiy ijtimoiy tarmoqlarida muxlislar bosh murabbiy Joze Mourinodan o‘zbek futbolchisiga ko‘proq o‘yin amaliyoti berishni talab qilyapti.
Sports.uz portali an’anaga muvofiq, o‘zbekistonlik futbol muxlislari e’tiboriga Rim klubi muxlislarning Eldor Shomurodov haqidagi fikr-mulohazalarini taqdim etadi.
Guido Saraceni:
Raqibning saviyasiga qaramay, o‘yin juda og‘ir bo‘ldi. Menga zaxiradan maydonga tushgan futbolchilarning o‘yinga qanday ta’sir o‘tkazgani manzur bo‘ldi. Ayniqsa, Genrix Mxitaryan va Eldor Shomurodovning hamkorligi uchinchi hal qiluvchi golga olib keldi.
Charles Caperchi:
Shomurodov zaxiradan qo‘shilib, yana gol urdi. Avvaliga “Sampdoriya”ga, endi “Lechche”ga. Mourino Eldorni ko‘proq boshlang‘ich tarkibda o‘ynatishi kerak.
Matteo Macari:
Shomurodov o‘z imkoniyatidan qanday foydalangani menga juda yoqdi. Bu yigit katta tezlik va ajoyib texnikaga ega. Mourino unga maydonda munosib joy topib berishi kerak. O‘yinda Eldor ham, Temmi Abraxam ham ishtirok etsin!
Alessandro Giansanti:
Mourino nega Eldorga ishonch bildirmayotganini hech tushunmayman. Bu hujumchi to‘rtta gol urdi. Bu ham bo‘lsa, unga o‘zini ko‘rsatish uchun deyarli imkoniyat berilmayotgan holatda yuz bermoqda. Uni boshlang‘ich tarkibga kiritishmayapti.
Monica Verolino (Alessandro Giansanti izohiga javoban):
Shomurodovning o‘ziga xos xususiyati shunday. U “Jenoa”da o‘ynaganidan ham zaxiradan o‘yinga tushib, jamoaga foyda keltirar edi. U bu ishni zo‘r uddalaydi. U asosiy tarkibdagi futbolchining o‘rnini bosa oladi va markaziy hujumchi sifatida ham samarali o‘ynaydi. Lekin Eldor butun mavsum davomida yetakchi hujumchi bo‘la olishiga shubham bor. Uning roli – superqutqaruvchilikdir.
Roberto Scozzi:
Genrix Mxitaryan va Eldor Shomurodov tandemi zo‘r o‘ynadi. Arman futbolchisining pasi ajoyib chiqdi. Shomurodov esa hammasini qoyilmaqom bajardi. Raqibdan qochib ketdi, yana birini chalg‘atib, darvoza to‘rini aniq nishonga oldi.
Fabio Marziali:
Shomurodov zaxira ustasi. O‘yinga qo‘shilib, muntazam ravishda gol uradi yoki golli pas beradi. Milliy basketbol ligasi bo‘lganidan eng zo‘r 6-o‘yinchi bo‘lardi.
Lando Greco (Fabio Marziali fikriga javoban):
Buning hayron qolarli joyi yo‘q. Shomurodovda boshlang‘ich tezlik juda yuqori. U har qanday himoyachidan bir urinishda qochib keta oladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Blinken Isroildan uchta muammoni hal etishni talab qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Borrel YEIning Isroil bilan muloqotini to‘xtatishni taklif qildi
Toshkentda vafot etgan rossiyalik jurnalist ishiga doir qo‘shimcha ma’lumot
