Google kompaniyasi WWDC 2025 tadbiri yakunlanishi bilanoq o‘zining yangi reklamasini e’lon qildi va unda raqibi Apple'ga ochiqcha “turtki” berdi. "Best Phones Forever" deb nomlangan yumoristik videorolikda Google Pixel 9 Pro smartfoni iPhone'ni yangi funksiyalari bilan tabriklab, bir paytning o‘zida unga bu funksiyalar Pixel'da allaqachon borligini eslatadi.
Xususan, iPhone'da ilk bor paydo bo‘lgan iOS 26'ning quyidagi funksiyalari tanqid nishonida turdi:
- Live Translate — matn va suhbatlarni real vaqtda tarjima qilish;
- Hold Assist — avtomatika yordamida qo‘ng‘iroqlarni ushlab turish;
- Call Screening — spam qo‘ng‘iroqlarga qarshi AI orqali himoya.
Google tomonidan ta’kidlanishicha, ushbu imkoniyatlar Pixel seriyasida bir necha yildan beri mavjud va amaliyotda o‘zini oqlagan.
Bu reklama nafaqat raqobat ruhini, balki texnologiyalar borasidagi farqni ko‘rsatish maqsadida tayyorlangan. Google, har doimgidek, o‘zini innovatsiyalar yetakchisi sifatida namoyon etadi va bu videoda ham iPhone'ni “ergashuvchi” qilib tasvirlaydi.
Texnologiya ishqibozlari va ikki kompaniya ishqibozlari o‘rtasida muhokamalar yana avj oladi, chunki Google bu kabi yumoristik, ammo aniq ta’na bilan to‘ldirilgan kontent orqali o‘z mahsulotini keng ommaga yana bir bor taqdim etmoqda. Pixel 9 Pro nafaqat funksional, balki raqobatbardosh imij bilan ham bozorda o‘z o‘rnini mustahkamlashni maqsad qilgan. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
