"OpenAI" kompaniyasi o'zining yangi GPT-5.5 sun'iy intellekt modelidagi biologik xavfsizlik tizimini sinovdan o'tkazish maqsadida "Bio Bug Bounty" dasturini ishga tushirdi. Mazkur loyiha doirasida mutaxassislar tizimning himoya mexanizmlarini chetlab o'tish yo'llarini qidirishadi. Tadqiqotchilar sun'iy intellekt yordamida biotibbiyot sohasidagi taqiqlangan ma'lumotlarni olish imkoniyatini tekshirib ko'rishlari lozim bo'ladi. Bu haqda Openai.com xabar beradi.
Musobaqada ishtirok etish uchun arizalar 2026 yil 22-iyunga qadar qabul qilinadi. Tanlovda sun'iy intellekt xavfsizligi, kiberxavfsizlik va biotibbiyot sohasida tajribaga ega bo'lgan mutaxassislar qatnashishi mumkin. Saralab olingan nomzodlar maxsus test savollaridan o'tishlari va ma'lumotlarni oshkor qilmaslik to'g'risidagi bitimni imzolashlari shart etib belgilangan.
Muvaffaqiyatli natija ko'rsatgan va tizimdagi jiddiy kamchiliklarni aniqlagan ishtirokchilarga 25 000 AQSh dollarigacha miqdorda mukofot puli to'lanadi. Kompaniya ushbu tashabbus orqali ilg'or sun'iy intellekt texnologiyalarini yanada xavfsizroq qilishni va yuzaga kelishi mumkin bo'lgan global xatarlarning oldini olishni maqsad qilgan.
“Zamin”ni Telegramʻda oʻqing!
