2026 yilning mart oyida Rossiyada Telegram messenjerining mobil trafigi 18 foizga kamaydi. Fevral oyida ham ushbu ko'rsatkich 10 foizga pasaygan edi. Bu haqda Ixbt.com xabar beradi.
Messenjerning kompyuterlar uchun mo'ljallangan versiyasida pasayish yanada sezilarli bo'lib, bir oy ichida 22 foizni tashkil etdi.
Shu bilan birga, chiquvchi trafik hajmi 66 foizga oshgan. Ekspertlar buni foydalanuvchilarning tashqi platformalarga o'tishi va cheklovlar o'rnatilishidan oldin reklama kampaniyalari faollashgani bilan izohlamoqda.
Shu fonda muqobil servislar o'sish ko'rsatmoqda: Max messenjeri trafigi 60 foizdan ziyodga oshib, kunlik foydalanuvchilari soni 80 millionga yetdi.
Rossiyaning Telega va korporativ aloqa uchun mo'ljallangan Pachka xizmatlari ham ommalashmoqda. Xususan, Pachka xizmatidan foydalanuvchi kompaniyalar soni bir oyda ikki baravar ko'paydi.
Shunga qaramay, Telegram mamlakatdagi eng yirik platforma bo'lib qolmoqda va uning oylik auditoriyasi 94,3 million kishini tashkil etadi.
Messenjer asoschisi Pavel Durov korrupsiyalashgan byurokratlarga shaxsiy yozishmalarni taqdim etishdan ko'ra, Fransiya bozorini tark etish afzalroq ekanini ta'kidladi. U foydalanuvchilarning shaxsiy ma'lumotlari daxlsizligini himoya qilishda davom etishini ma'lum qildi.
“Zamin”ni Telegramʻda oʻqing!
