Xitoyda litiydan 80 baravar arzon bo'lgan temir batareya yaratildi
Xitoyda olimlar temir asosida yangi akkumulyator yaratdi, bu litiydan 80 baravar arzon. Ushbu texnologiya katta hajmdagi energiyani saqlash uchun istiqbolli yechim sifatida ko'rilmoqda. Tadqiqotchilar elektrolit tarkibini yangilab, temir birikmasining molekulyar tuzilishini o'zgartirish orqali akkumulyatorlarning asosiy muammolarini hal qildi. Natijada, yangi akkumulyator 6 000 marta zaryadlash va zaryadsizlanish siklini o’tkazishga qodir bo'lib, uning samaradorligi 78,5 foizni tashkil etadi.
Xitoy Fanlar akademiyasi qoshidagi Metallarni tadqiq qilish instituti olimlari temir asosidagi akkumulyatorlar texnologiyasini sezilarli darajada takomillashtirishga muvaffaq bo'ldi. Ushbu yangilik katta hajmdagi energiyani saqlash uchun eng istiqbolli yechimlardan biri hisoblanadi. Bu haqda Ixbt.com xabar beradi.
Tadqiqotchilar elektrolit tarkibini yangilab, temir birikmasining molekulyar tuzilishini o'zgartirdi. Bu usul batareyalarning asosiy muammolari — faol moddaning parchalanishi va uning membrana orqali sizib chiqishini bartaraf etish imkonini berdi.
Sinov natijalariga ko'ra, tajriba namunasi quvvatini yo'qotmasdan 6 000 marta zaryadlash va zaryadsizlanish sikliga bardosh berdi. Bu ko'rsatkich qurilmaning 16 yildan ortiq vaqt davomida har kuni samarali ishlashini anglatadi.
Temir litiyga qaraganda o'nlab marta arzon bo'lgani sababli, bunday texnologiya quyosh va shamol energiyasini saqlash tizimlarini yanada hamyonbop qiladi. Yangi akkumulyatorning ish samaradorligi 78,5 foizni tashkil etib, sinovlar davomida uning tuzilishi barqarorligini saqlab qolgan.
Izohlar 0
…