Nvidia RTX 3060 video kartasi iyun oyidan qayta ishlab chiqariladi
Nvidia 2023 yilning iyun oyidan boshlab 12 GB xotiraga ega RTX 3060 video kartalarini qayta ishlab chiqarishni boshlaydi. Yirik ishlab chiqaruvchilar, jumladan "Colorful", "ASUS", "MSI" va "Galax", ma'lum miqdorda qismlarni qabul qiladi, ammo har bir kompaniya uchun ajratilgan kvotalar farq qiladi. Ushbu model Nvidia tarixidagi eng ko'p sotilgan video kartalardan biri bo'lib, 1080p va 2K o'lchamdagi o'yinlar bozori uchun juda mashhurdir. Iqtisodiy talabga javob berish maqsadida ishlab chiqarishni tiklash strategik qadam sifatida ko'rilmoqda.
Nvidia joriy yilning iyun oyida 12 GB xotiraga ega RTX 3060 video kartalarini ishlab chiqarishni qayta yo'lga qo'yadi. Yangi qurilmalar tez orada cheklangan partiyalarda sotuvga chiqa boshlaydi. Bu haqda Ixbt.com xabar beradi.
"Colorful", "ASUS", "MSI" va "Galax" kabi yirik ishlab chiqaruvchilar ma'lum miqdorda butlovchi qismlarni qabul qilib oladi. Biroq, har bir kompaniya uchun ajratilgan kvotalar farq qiladi va umumiy taklif nisbatan cheklangan bo'ladi.
12 GB xotirali RTX 3060 modeli Nvidia tarixidagi eng ko'p sotilgan video kartalardan biri hisoblanadi. Narx va sifat mutanosibligi tufayli u 1080p va 2K o'lchamdagi o'yinlar bozorida doimo mashhur bo'lib kelgan.
Ishlab chiqarishni tiklash shunchaki ombor zaxiralarini sotish emas, balki joriy bozor talabiga javoban qilingan strategik qadamdir. Xaridorlar barqaror ishlash, yetarli xotira va maqbul narxga ega video kartalarga ehtiyoj sezmoqda.
Izohlar 0
…