Merilend universiteti va Brukheven milliy laboratoriyasi muhandislari rux akkumulyatorlarining rekord darajadagi samaradorligini ta'minlovchi elektrolit tuzilmasini ishlab chiqdi. Bu haqda Ixbt.com xabar beradi.
Professor Chunsheng Vann va doktor Detszyan Dun boshchiligidagi tadqiqotchilar guruhi rux batareyalarining fundamental muammosiga yechim topdi. Ilgari bunday quvvat elementlari suv molekulalarining parchalanishi va rux dendritlarining o'sishi tufayli qisqa xizmat qilish muddatidan aziyat chekardi.
Olimlar qimmat va yopishqoq tarkiblarga qolishmaydigan, yuqori o'tkazuvchanlik va past tannarxni saqlab qoladigan past konsentratsiyali suvli elektrolitlarni yaratdi.
Tadqiqotchilar ftorlangan anionlar va donor soni 18 dan yuqori bo'lgan tuzlardan foydalandi. Bu manfiy zaryadlangan ionlar nafaqat rux ionlari, balki atrofdagi suv molekulalari bilan ham bog'lanadigan noyob molekulyar tuzilmani shakllantirishga imkon berdi.
Laboratoriya tajribalari davomida yangi batareyalar 130 Vt·soat/kg gacha bo'lgan energiya zichligida 1 000 dan ortiq ish sikli davomida 99,99 foiz darajasida kulon samaradorligini namoyish etdi.
“Zamin”ni Telegramʻda oʻqing!
