Rossiyaning "Luna" brauzeri App Store do'konidan olib tashlandi. Ilovaning o'chirilish sabablari rasman ma'lum qilinmagan. Bu haqda Ixbt.com xabar beradi.
Biroq, uni avval o'rnatgan foydalanuvchilar ilovadan cheklovlarsiz foydalanishda davom etishlari mumkin.
"Luna" brauzeridan ko'pincha VTB banki mijozlari onlayn-bankka kirish uchun foydalangan. Shaxsiy kabinetga kirish faqat bitta ilovaga bog'lanmagan bo'lib, boshqa brauzerlar orqali ham ishlashda davom etadi.
Xususan, Safari orqali ham avtorizatsiya qilish mumkin.
Ushbu mobil brauzer "Innovatsionnaya razrabotka" MChJ tomonidan yaratilgan. Uning asosiy xususiyati mahalliy saytlarga xavfsiz kirish uchun Rossiya Raqamli rivojlanish vazirligi sertifikatlarini qo'llab-quvvatlashidir.
Ilova iOS va Android tizimlariga mo'ljallangan bo'lib, reklama va trekerlarni bloklash funksiyasiga ega.
Hozircha ishlab chiquvchilar tomonidan rasmiy izoh berilmagan.
“Zamin”ni Telegramʻda oʻqing!
