Rossiya Davlat Dumasi raisi Vyacheslav Volodin firibgarlikka qarshi qabul qilingan qonunlar o‘z samarasini berayotganini ma’lum qildi. Uning so‘zlariga ko‘ra, 2026-yilning birinchi choragida firibgarlik holatlari 18,3 foizga, masofaviy jinoyatlar 22,7 foizga, onlayn o‘g‘riliklar 14,1 foizga va kompyuter axboroti sohasidagi jinoyatlar 45,3 foizga kamaygan. Bu haqda Ixbt.com xabar beradi.
Shuningdek, fuqarolarning Markaziy bankka moliyaviy firibgarlik masalalari bo‘yicha qilgan murojaatlari soni 40 foizga qisqargan. Volodin ushbu natijalarga tizimli ishlar va qat’iy qonunchilik choralari evaziga erishilganini ta’kidladi.
Yaqin kelajakda parlament xalqaro qo‘ng‘iroqlarni markirovkalash, bolalar uchun maxsus SIM-kartalarni joriy etish hamda «Gosuslugi» platformasidagi akkauntlarga kirishni faqat ishonchli usullar orqali tiklashni nazarda tutuvchi yangi qonun loyihalarini ko‘rib chiqadi.
Vyacheslav Volodin may oyiga qadar yakuniy qarorlarga kelish rejalashtirilayotganini qo‘shimcha qildi. Mazkur yangi normalar fuqarolarni kiberjinoyatchilar va firibgarlarning noqonuniy harakatlaridan yanada samaraliroq himoya qilishga xizmat qiladi.
“Zamin”ni Telegramʻda oʻqing!
