Bashorat bozori sohasidagi yetakchi startap Kalshi payshanba kuni 1 milliard dollarlik Series F investitsiya raundini yakunlaganini e’lon qildi. Ushbu moliyalashtirish natijasida kompaniyaning bozor qiymati 22 milliard dollarga yetdi. Bu ko‘rsatkich atigi besh oy avval, Series E raundida qayd etilgan 11 milliard dollarlik bahodan ikki baravar ko‘pdir. Bu haqda Techcrunch.com xabar beradi.
Mazkur investitsiya raundiga Coatue kompaniyasi boshchilik qildi, shuningdek, Sequoia, Andreessen Horowitz va Paradigm kabi yirik venchur fondlari ham ishtirok etdi. Kalshi rahbariyati Bloomberg agentligiga bergan ma’lumotiga ko‘ra, kompaniyaning yillik daromadi 1,5 milliard dollardan oshib ketgan.
Kalshi o‘zining raqobatchisi Polymarket bilan birgalikda bashorat bozorlarida haqiqiy bum yaratdi. Foydalanuvchilar platforma orqali turli voqealar, jumladan, Met Gala tadbiridagi kiyinish uslublaridan tortib, sport jamoalarining g‘alabalarigacha bo‘lgan barcha narsaga pul tikishlari mumkin.
Kompaniya o‘z blogida keltirgan ma’lumotlarga ko‘ra, platformada institutsional savdolar hajmi so‘nggi olti oy ichida 800 foizga o‘sgan. Hozirda Kalshi AQShdagi bashorat bozori faoliyatining 90 foizini o‘zida jamlagan. Polymarket esa 2022-yilda kiritilgan taqiqlar tufayli AQSh bozoridagi cheklovlarni bosqichma-bosqich olib tashlash ustida ishlamoqda.
“Zamin”ni Telegramʻda oʻqing!
