Yosh Jeyms Bond haqidagi 007 First Light oʻyini ijodkorlari kengaytirilgan tizim talablarini maʼlum qildi. Yanvar oyida eʼlon qilingan dastlabki maʼlumotlarga koʻra, oʻyin minimal darajada GeForce GTX 1660 grafik kartasida ham ishlay oladi, bu esa loyihaning unchalik talabchan emasligini koʻrsatadi. Bu haqda Ixbt.com xabar beradi.
Full HD formatida oʻynash uchun RTX 3060 Ti tavsiya etilgan boʻlsa, 1440p va 60 kadr/soniya tezlikka erishish uchun RTX 4070 grafik kartasi talab qilinadi. 4K UHD rejimida esa oʻyinning sifatiga qarab RTX 4080 yoki RTX 5080 kartalari kerak boʻladi. Ishlab chiquvchilarning taʼkidlashicha, RTX 5080 yordamida DLSS texnologiyasi bilan 4K formatida 200 kadr/soniyadan yuqori natijaga erishish mumkin.
Oʻyin nafaqat nurlarni kuzatish (ray tracing), balki yoʻllarni kuzatish (path tracing) texnologiyasini ham qoʻllab-quvvatlaydi, biroq oxirgi funksiya yoz oylarida yangilanish orqali qoʻshiladi. Loyiha 27-may kuni shaxsiy kompyuterlar, PS5 va Xbox Series konsollari uchun chiqariladi.
Qizigʻi shundaki, 007 First Light oʻyini Unreal Engine 5 dvigatelida emas, balki Hitman 3 loyihasi bilan tanilgan Glacier dvigatelida yaratilgan. Aynan shu sababli oʻyinning tizim talablari zamonaviy loyihalarga nisbatan ancha past va optimallashtirilgan.
“Zamin”ni Telegramʻda oʻqing!
