Honor kompaniyasi Xitoyda oʻzining yangi Watch 6 Plus aqlli soatlari uchun oldindan buyurtma berish jarayonini boshladi. Hozircha qurilmaning rasmiy narxi eʼlon qilinmagan boʻlsa-da, uning barcha texnik xususiyatlari jamoatchilikka maʼlum qilindi. Bu haqda Ixbt.com xabar beradi.
Yangi modelning eng asosiy oʻziga xosligi — uning rekord darajadagi avtonom ish faoliyatidir. 1000 mA·sh sigʻimli akkumulyator tufayli soat tejamkor rejimda 35 kungacha, odatiy foydalanishda esa 17 kungacha quvvat saqlay oladi. GPS moduli doimiy yoniq holatda boʻlganda ham qurilma 42 soat davomida ishlaydi.
Honor Watch 6 Plus 1,46 dyuymli AMOLED-displey bilan jihozlangan boʻlib, uning yorqinligi 3000 nitgacha yetadi. Bu esa quyoshli kunda ham maʼlumotlarni bemalol oʻqish imkonini beradi. Qurilma korpusi ancha ixcham — qalinligi 10,8 mm, ogʻirligi esa bor-yoʻgʻi 41 grammni tashkil etadi.
Sport ixlosmandlari uchun soatda 120 dan ortiq mashgʻulot rejimlari mavjud. Shuningdek, u yurak urish tezligi (ЧСС) va qondagi kislorod miqdorini (SpO2) oʻlchovchi datchiklar bilan taʼminlangan. Qurilmada navigatsiya tizimi, NFC moduli va kontaktsiz toʻlovlarni amalga oshirish funksiyasi ham mavjud.
“Zamin”ni Telegramʻda oʻqing!
