MacPaw va Liquid AI sunʼiy intellekt texnologiyalarini qurilmalarga olib kelmoqda
MacPaw o'z mahsulotlarida qurilmaning o'zida ishlaydigan sun'iy intellekt modellarini joriy etish uchun Liquid AI bilan strategik hamkorlik o'rnatdi. Hamkorlik doirasida Eney yordamchisi takomillashtirilib, Elix inferensiya tizimi va mahalliy xotira ishlab chiqilmoqda, bu esa sun'iy intellekt yordamchilari hamda agentlaridan internetga ulanmasdan foydalanish imkonini beradi.
Ukriandagi mashhur MacPaw dasturchilar kompaniyasi oʻz mahsulotlarini mahalliy darajada ishlov beriladigan sunʼiy intellekt modellari bilan taʼminlash uchun Liquid AI startapi bilan strategik hamkorlik oʻrnatdi. Ushbu hamkorlik doirasida foydalanuvchilarning maxfiyligi va xavfsizligini taʼminlagan holda, internet tarmogʻiga ulanmagan holda ham ishlaydigan ilgʻor texnologiyalarni yaratish koʻzlangan. Bu haqda Techcrunch.com xabar beradi.
ixbt.com va boshqa texnologiya nashrlari xabar berishicha, MacPaw kompaniyasi oʻtgan yili eʼlon qilingan Eney deb nomlangan oʻzining sunʼiy intellekt yordamchisini yanada takomillashtirmoqda. Endilikda Liquid AI bilan birgalikda qurilmaning oʻzida ishlaydigan Elix deb nomlangan inferensiya tizimi hamda mahalliy xotira tizimi ishlab chiqilmoqda. Bu esa foydalanuvchilarga sunʼiy intellekt yordamchilari va agent vazifalaridan offlayn rejimda ham foydalanish imkonini beradi.
Mahalliy modellar va xavfsizlik ustuvorligi
Liquid AI bosh direktori va asoschilaridan biri Ramin Hasanining taʼkidlashicha, kompaniya modellarni oʻqitishdan oldin muayyan qurilma arxitekturasiga moslashtirilgan yechimlarni tanlaydi. Bu esa bevosita qurilmaning oʻzida ishlovchi hamda maʼlumotlar xavfsizligini kafolatlovchi eng samarali intellekt versiyasini yaratishga imkon beradi.Garchi Apple kompaniyasi allaqachon oʻz dasturchilariga mahalliy modellarni taqdim etayotgan boʻlsa-da, Liquid AI turlicha imkoniyatlar va yuqori unumdorlikka alohida eʼtibor qaratmoqda. Shuningdek, foydalanuvchi kiritgan maʼlumotlar asosida moslashib boradigan va vaqt oʻtishi bilan yanada aqlliroq boʻladigan maxsus sozlash steki ham barpo etilmoqda.
SetApp platformasi va kelajakdagi rejalar
MacPaw oʻzining 150 mingdan ortiq toʻlovchi foydalanuvchisiga ega boʻlgan SetApp obunaga asoslangan ilovalar doʻkonida sunʼiy intellekt ilovalariga koʻproq eʼtibor qaratishni rejalashtirmoqda. Ushbu maqsad yoʻlida platforma quyidagi imkoniyatlarni taqdim etadi:- Mahalliy qayta ishlash arxitekturasini oʻrnatish va uni boshqa dasturchilarga ham taqdim etish;
- Dasturchilarga oʻz ilovalarida qurilma ichidagi inferensiya texnologiyasidan foydalanish imkoniyatini berish;
- Google kabi kompaniyalarning bulutli modellariga ham kirish huquqini taʼminlab, yagona markaz vazifasini bajarish.
Izohlar 0
…