7 266
Kiberxavfsizlik darajasi bo‘yicha eng yaxshi davlatlar reytingida O‘zbekiston nechanchi o‘rinda?
Britaniyaning Comparitech tadqiqot kompaniyasi kiberxavfsizlik darajasi bo‘yicha davlatlar reytingini tuzdi. Reytingga 60 ta davlat kiritilgan bo‘lib, unga Yaponiya yetakchilik qilmoqda. Oxirgi o‘rinni esa Jazoir egallagan. Ro‘yxatga O‘zbekiston ham kiritilgan bo‘lib, u 56-o‘rinni egallagan.
Davlatlarning reytingdagi o‘rniga 7 ta mezon, jumladan zararli dasturiy ta’minot bilan zararlangan mobil qurilmalar va kompyuterlar ulushi, pullarni o‘g‘irlash maqsadida amalga oshirilgan xakerlik hujumlari soni, u yoki bu davlatning xkayerlik hujumlariga tayyorlanganligi, tegishli qonunchilik mavjudligi kabilar ta’sir qilgan. Har bir davlat 0 dan 100 ballgacha to‘plashi mumkin bo‘lgan, bunda to‘plangan ball qanchalik kam bo‘lsa, davlat kibertahdidlardan shunchalik yaxshi himoyalangan hisoblanadi.
Yakuniy jadvalga ko‘ra, Yaponiya 8,8 ball to‘plagan. 2- va 3-o‘rinlarni Fransiya va Italiya egallagan. Ushbu davlatlar mos ravishda 10,6 va 11,2 ball to‘plagan. Eng yaxshi davlatlar o‘ntaligiga Daniya, AQSh, Irlandiya, Shvetsiya, Buyuk Britaniya, Niderlandiya va Singapur kiritilgan. Reytingning oxirgi o‘rnini egallagan Jazoir 55,8 ball to‘plagan.
O‘zbekiston 50,5 ball bilan 56-o‘rindan joy olgan. Ta’kidlash joizki, O‘zbekiston Markaziy Osiyo davlatlaridan reytingga kiritilgan yagona davlat bo‘lgan.
Shuningdek, alohida mezonlar bo‘yicha yetakchi yoki qoloq davlatlar ham e’lon qilingan. Misol uchun, Bangladeshda mobil telefonlarning zararli dasturlar bilan zararlangani ulushi eng yuqoriligi, eng ko‘p kompyuterlar zararlangani Jazoirda qayd qilingan. Pul o‘g‘irlash maqsadida xakerlik hujumlariga eng ko‘p Germaniya uchragan.
Kiberhujumlarga eng yaxshi tayyorlangan davlat sifatida Singapur, eng kam tayyorlangan davlat sifatida esa Vetnam e’tirof etilgan. Shuningdek, kiberxavfsizlik sohasidagi zamonaviy talablarga Fransiya, Xitoy, Rossiya va Germaniya qonunchiligi eng yaxshi javob berishi qayd qilingan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Italiya sudi Quddus Isroil poytaxti emasligi haqida qaror chiqardi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Zelenskiy Putin borasida bayonot berdi: “Tinchlikni istaganlar yuziga tupurmoqda”
2026 yilda bo‘lajak mundialning favoritlari reytingi taqdim etildi
Shavkat Mirziyoyev Rossiya bosh prokurori bilan uchrashuv o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
