O‘zbekistonda o‘zini o‘zi band qiluvchi shaxslarga elektron tijoratni amalga oshirish huquqi berilishi mumkin. Bu haqda Davlat soliq qo‘mitasi axborot xizmati xabar berdi.
Xabarga ko‘ra, Davlat soliq qo‘mitasi tomonidan Prezidentning «Elektron tijorat ma’muriyatchiligini takomillashtirish va uni yanada rivojlantirish uchun qulay sharoitlar yaratish to‘g‘risida»gi qarori loyihasi ishlab chiqilgan. Ishlab chiqilgan loyiha jamoatchilik muhokamasiga qo‘yilib, 7 martda yakunlangan.
Davlat soliq qo‘mitasi aholi va tadbirkorlardan kelib tushgan takliflarni tahlil qilib, jamoatchilik takliflarida elektron tijoratni amalga oshirish tartibini sezilarli darajada soddalashtirishga alohida e’tibor qaratilgan. Tahliliy ishlar natijasida loyihaga bir qator o‘zgarishlar va qo‘shimchalar kiritilgan.
Xususan, elektron tijoratni amalga oshirish tartibini erkinlashtirish va aholining keng qatlamini tadbirkorlikka jalb qilish va natijada aholini ish bilan ta’minlash maqsadida Davlat soliq qo‘mitasi ishlab chiqilgan loyihaga o‘zini o‘zi band qiluvchi shaxslarga elektron tijoratni amalga oshirish huquqini berish normasini kiritishga qaror qilgan. Bu kabi normalar elektron tijorat segmentini «oqartirish»da mutlaqo yangi imkoniyatlarni yaratadi, chunki hozirgi kunda o‘zini o‘zi band qilganlar uchun bir qator soliq imtiyozlari va yengilliklar berilgan.
Qayd etilishicha, faoliyatni ro‘yxatdan o‘tkazish va amalga oshirish jarayonining soddaligi fuqarolarning xarajatlarini kamaytiradi. Chunki o‘zini o‘zi band qilganlarni ro‘yxatdan o‘tkazish va soliqlarni to‘lash maxsus mobil ilova yoki soliq to‘lovchining shaxsiy kabinetda «birgina tugmani bosish» orqali amalga oshiriladi.
Bundan tashqari, Soliq kodeksining 369-moddasiga asosan, o‘zini o‘zi band qilgan shaxslarning mehnat faoliyati natijasida olingan daromadlari jismoniy shaxslarning jami daromadlariga kiritilmaydi. O‘zini o‘zi band qilgan shaxs mehnat stajiga ega bo‘lishi uchun esa bir yilda bir marotaba bazaviy hisoblash miqdorining kamida bir barobari miqdorida ijtimoiy soliq to‘lashi lozim. Loyihada elektron tijoratni rivojlantirishga qaratilgan bir qator boshqa rag‘batlantirish choralari ham nazarda tutilgan, xususan:
- elektron tijorat bilan shug‘ullanadigan barcha sub’ektlarning aylanmadan olinadigan soliq va foyda solig‘i stavkalari elektron tijoratdan olingan daromad miqdoridan qat’i nazar, 50 foizga pasaytiriladi;
- tovarlar (xizmatlar) elektron savdosi bilan shug‘ullanuvchi yoshlarga ayrim soliqlarni foizsiz kechiktirish (bo‘lib-bo‘lib to‘lash) huquqi beriladi.
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Messi “dahshatli” ko‘rsatkich qayd etdi (video)
Osvensimda minglab yahudiylar «Tiriklar marshi» aksiyasini o‘tkazdi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Osiyo chempionati. O‘zbekiston terma jamoasi umumjamoa hisobida uchinchi bo‘ldi
Ivan Boshkovich: "O‘yin vaqtidagi emotsiyalar normal holat"
Tayson Fyuri Oleksandr Usikka qarshi jang uchun Ar-Riyodga yetib bordi
Belarusdagi "Miori" va "Rossoni" o‘yini 50:0 hisobida yakunlandi
Prezident ijtimoiy xizmatlar ko‘lamini kengaytirish bo‘yicha takliflar bilan tanishdi