Foto: «YouTube»
Yapon olimlari onkologik xastaliklarning 15 turini nuldan boshlab aniqlashning yangi turini topishdi.
«Hirotsu Bio Science Inc» kompaniyasi bosh direktori Xirotsu Takaaki olimlar qanday qilib nematoda chuvalchanglarini saratonga qarshi kurashga jalb qilishgani haqida so‘zlarkan, nematodalardan foydalanish saratonni aniqlashda tezkor va arzon, shuning barobarida, ayniqsa, oshqozon osti bezi saratoni kabi aniqlash qiyin turlarini tezroq topishda istiqbolli usul bo‘lishini ta’kidlagan.
«Ushbu usulga nematodalar (uzunligi 1 millimetr atrofidagi dumaloq chuvalchanglar)ning kimyoviy qo‘zg‘ovchilarga nisbatan harakatlanish reaksiyasi asos qilib olindi — bu chuvalchanglar o‘zlariga yoqqan hid tomon harakatlanadi va aksincha, o‘zlariga yoqmagan hiddan uzoqlashadi. Aytish kerakki, bu ilgari onkologiyada mavjud bo‘lmagan mutlaqo yangi usuldir. Chuvalchanglar bemordan olingan siydikka yaqinlashadimi yoki aksincha, biz shunga qarab saratonni aniqlaymiz», — dedi Xirotsu Takaaki.
Tadqiqotlar ko‘rsatishicha, nematodalarga sog‘lom odamning emas, balki saraton xastaligi bor odamning siydigi «yoqarkan».
Bu usul bilan 15 turdagi o‘sma kasallikni aniqlash mumkin deyilmoqda. Bular: oshqozon, yo‘g‘on ichak, o‘pka, ko‘krak, bachadon, oshqozon osti bezi, jigar, prostata, qizilo‘ngach, tuxumdonlar, o‘t yo‘llari va o‘t pufagi, siydik pufagi, buyrak, og‘iz bo‘shlig‘i va tomoq yo‘llari saratoni kabilar.
2019 yilning sentabr oyida olingan ma’lumotlarga ko‘ra, nematodalar yordamida saraton xastaliklariga 86,8 foiz aniqlikda tashxis qo‘yilmoqda. E’tiborli jihati, kasallikning eng erta bosqichida ham tashxis aniqligi 85 foizni tashkil etgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Italiya sudi Quddus Isroil poytaxti emasligi haqida qaror chiqardi
Xalqaro jinoyat sudining orderi Isroilni nega qo‘rqityapti?
2026 yilda bo‘lajak mundialning favoritlari reytingi taqdim etildi
22 noyabr kuni Cobalt avtomobiliga shartnoma ochilishi e’lon qilindi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
