Тошкентда бир эркак фуқароларга тўй ташкил қилиб беришни ваъда қилиб, уларнинг пулларини ўзлаштиргани аниқланди, деб хабар берди шаҳар ИИБ матбуот хизмати.
Маълумотларга кўра, гумонланувчи тўйхоналардан бирида администратор бўлиб ишлаган. У мижозлардан буюртмалар қабул қилган, саналарни келишган, менюни тузишда ёрдам берган ва аванс олган. Бироқ, тўй куни етиб келган мижозлар ресторанда ҳеч қандай тайёргарлик йўқлигини кўрган. Эркак бир неча кишини 66,3 миллион сўм ва 7,4 минг доллар миқдорида чув туширишга муваффақ бўлган.
“Биз ресторанга келдик, залга кирсак – чироқ ўчган, столлар бўш, ҳеч нарса йўқ. Ҳайратда қолдик. Аллақачон кеч бўлиб қолганди, бошқа жойда тўй ташкиллаштиришнинг иложи йўқ эди. Пул тўлаганмиз, лекин ҳеч нарса йўқ”, – дейди жабрланувчилардан бири.
Гумонланувчи эса зални ижарага олиб, тадбиркорлик қилишни ният қилганини таъкидлаган. Шунингдек, у олдиндан қарзлари бўлгани учун одамлардан 15-20 миллион сўм олганини ва кейинчалик қайтаришни режалаштирганини айтган. Мазкур ҳолат бўйича Жиноят кодексининг 168-моддаси (фирибгарлик) билан иш очилган ва тергов ҳаракатлари давом этмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
