Тошкентда ҳаво сифати қачондан яхшиланади?

Бугунги кунда Тошкентдаги ҳаво сифати индексининг (AQI) даражаси 161 бўлиб, “носоғлом” деб баҳоланмоқда. Ҳаво ифлосланишининг асосий сабаби PM2.5 заррачалари бўлиб, у ҳозирда 69.6 µg/m³ даражада қайд этилган.

Прогнозларга кўра, 25-февраль давомида ҳаво сифати аста-секин яхшиланиши кутилмоқда. Кечга бориб AQI 60-70 оралиғида бўлиб, “ўртача” даражага тушиши мумкин. 26-февралдан бошлаб эса ҳаво сифати анча яхши бўлиши, AQI 55-50 оралиғида бўлиши кутилмоқда. 27-февралдан эса AQI 29 даражага тушиб, “яхши” даражага ўтади.

Мутасаддилар ёғингарчилик ва шамол туфайли ифлосланган ҳаво тозаланишини таъкидлашмоқда. Шу сабабли жума ва шанба кунлари ҳаво сифати сезиларли даражада яхшиланади.