Ўзбекистон Миграция агентлиги Россияда ишлаш учун патент олишга тайёргарлик кўришга ёрдам берадиган онлайн платформани тақдим этди, деб Podrobno.uz хабар берди.
Россия талаблари бўйича меҳнат мигрантлари рус тили, тарих ва қонунчилик бўйича билимларини тасдиқлаши лозим. Агентлик матбуот хизмати хабарига кўра, янги веб-сайт имтиҳон топширадиганлар учун бепул синов тестларини ўтказиш имконини беради.
Синов имтиҳонидан бепул ўтиш учун ушбу ҳаволага кириш мумкин: https://test.xorijdaish.uz/.
Платформада турли форматдаги саволлар мавжуд: аудио саволлар, ўқиш ва грамматика тестлари, шунингдек, Россия тарихи ва қонунчилигига оид саволлар. Жами еттита тест вариантлари таклиф этилган бўлиб, уларни тугатгач, фойдаланувчилар ўз жавобларини текшириши мумкин.
Бу имконият имтиҳонга тайёрланаётган фуқароларга ўз билимларини баҳолаш ва муваффақиятли топшириш эҳтимолини оширишга ёрдам беради.
Эслатиб ўтамиз, Ўзбекистонда меҳнат мигрантлари учун рус тили бўйича сертификатлаш маркази ташкил этиш режалаштирилмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
