Ижтимоий тармоқларда Ўзбекистон мактабларида ўқувчиларга бериладиган 3 ойлик ёзги таътилни 1,5 ойга қисқартириш таклифи кўриб чиқилаётгани ҳақида хабарлар тарқалди.
Xalqtaliminfo.uz ушбу хабарлар қанчалик асосли эканлигини ўрганиш мақсадида Мактабгача ва мактаб таълими вазирлиги билан боғланди.
Вазирликнинг маълум қилишича, ҳозирги кунда мактабларда ёзги таътилни қисқартириш режалаштирилмаган бўлиб, ижтимоий тармоқлардаги хабарлар ҳеч қандай асосга эга эмас.
Маълумот учун:
Вазирлар Маҳкамасининг 2017-йилдаги 140-сонли қарорига мувофиқ, ўқувчилар учун таътил кунлари қуйидагича белгиланган:
Кузги таътил – 4-ноябрдан бошлаб 6 кун;
Қишки таътил – 28-декабрдан бошлаб 14 кун;
Баҳорги таътил – 21-мартдан бошлаб 7 кун;
Ёзги таътил – охирги назорат синови ўтказилган кундан бошлаб 1-сентябргача.
1-синф ўқувчилари учун феврал ойида қўшимча бир ҳафталик таътил белгиланади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
