Ўзбекистонда академик қарздорлиги бор талабаларни ўқишдан четлатиш масаласи муҳокама қилинмоқда, деб Talimxabarlari.uz хабар берди. Бу таклиф Олий таълим, фан ва инновациялар вазирлиги ишлаб чиққан Ҳукумат қарори лойиҳасида назарда тутилган бўлиб, 2020 йил 31 декабрдаги 824-сонли қарорга ўзгартиш киритишни кўзда тутади.
Лойиҳага кўра, олий таълим муассасаларида ўқув жараёнига кредит-модул тизимини жорий этиш тартибини белгилайдиган низомнинг 42-бандидан "Семестр ва ўқув йили якуни натижалари бўйича академик қарздорлиги бор таълим олувчилар ўқишдан четлаштирилмайди" деган жумла чиқариб ташланиши мумкин.
Талабаларни ўқишдан четлатиш таклифига қарши чиқувчилар бор
"Таълим соҳасидаги лойиҳалар маркази" бу ўзгаришга қарши чиқди. Уларнинг фикрига кўра, академик қарздорлик туфайли талабани ўқишдан четлатиш кредит-модул тизими тамойилларига зид. Лойиҳа офиси талабаларга қарздорликни қайта топшириш, кейинги семестрда ўзлаштириш ёки янги фан билан алмаштириш имкониятини беришни таклиф қилди.
Олий таълим тизимида ушбу таклиф муҳокама қилинмоқда ва лойиҳа айрим эътирозлар инобатга олинган ҳолда тасдиқланиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
