Ўзбекистонда илк бор ўзбошимчалик билан эгалланган ер участкаларини расмийлаштириш амалга оширилди, деб Kursiv.media хабар берди. Бу ҳақда Республика кадастр агентлиги маълум қилди.
Ерларни легаллаштириш жараёни 2024 йил ноябрда бошланган ва 2028 йил бошигача давом этади. Август 2024 йилда қабул қилинган қонунга кўра, фуқаролар ўзлаштириб олган ер участкалари ва уларда қурилган биноларга мулк ҳуқуқини расмийлаштиришлари мумкин.
Ерни расмийлаштиришдаги максимал майдон ва тўлов миқдори ҳудудга ва ерни ўзлаштириш вақтига боғлиқ:
Агар ер 1998 йил 1 июлгача эгалланган бўлса — 0,24 гектаргача;
1998–2018 йиллар орасида — 0,12 гектаргача;
Тошкент, Нукус ва вилоят марказларида — 0,06 гектаргача.
Расмийлаштириш учун 1 дан 5 гача БРВ миқдорида (375 минг сўмдан 1,9 млн сўмгача) тўлов белгиланган.
Легаллаштириш тўғрисидаги қарорлар ҳудудий халқ депутатлари кенгашлари томонидан қабул қилинади. Бундан аввал тўпланган ҳужжатларнинг тўлиқлиги ва қонунийлиги адлия органлари томонидан текширилади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
